សិង្ហបុរីស្នើបញ្ចូល វប្បធម៌ «ផ្សារអាហារតាមផ្លូវ» (hawker) ក្នុងបញ្ជីយូណេស្កូ

អន្តរជាតិ

សិង្ហបុរីស្នើបញ្ចូល វប្បធម៌ «ផ្សារអាហារតាមផ្លូវ» (hawker) ក្នុងបញ្ជីយូណេស្កូ

28, Mar 2019 , 10:45 am

រូបភាព

ដោយ: ថ្មីៗ

ផ្សារលក់អាហារតាមផ្លូវ (hawker) ដែលសិង្ហបុរី អះអាងថាជាវប្បធម៌របស់ខ្លួន នឹងត្រូវស្នើដាក់បញ្ចូលក្នុងបញ្ជីបេតិកភណ្ឌអរូបីនៃមនុស្សជាតិរបស់អង្គការយូណេស្កូ។ នេះបើតាមការផ្សាយរបស់ Channel News Asia។

ក្រុមប្រឹក្សាបេតិកភណ្ឌវប្បធម៌ជាតិ (NHB), ភ្នាក់ងារបរិស្ថានជាតិ (NEA) និងសហព័ន្ធទំនិញសិង្ហបុរី (FMAS) បានរួមគ្នាដាក់ពាក្យស្នើសុំទៅយូណេស្កូ។ តំណាងម្នាក់របស់ស្ថាប័ទាំងនេះ បានអះអាងប្រាប់អ្នកសារព័ត៌មានថា សិង្ហបុរី ចង់ឲ្យទំនៀមទម្លាប់វប្បធម៌របស់ខ្លួនត្រូវបានទទួលស្គាល់ និងការការពារ។

ក្នុងយុទ្ធនាការនេះ បណ្តាសហគមន៍នៅសិង្ហបុរីនឹងរៀបចំនៅព្រឹត្តិការណ៍ ការប្រកួតប្រជែងរូបថតផ្សេងៗ ដោយភ្ជាប់ពាក្យថា #OurHawkerCulture ក្នុងគោលបំណងបំផុលចលនាថ្នាក់ជាតិ និងអន្តរជាតិ។

ប្រភេទផ្សារបែបនេះ ក៏មិនសូវខុសពីកម្ពុជានោះដែរ ដោយនៅខ្មែរអាចហៅបានថាជា «ផ្សារក្រមួន» «ផ្សារបន្លែ» «ផ្សារត្រី» ឬ «ផ្សារលក់ដូរកំប៉ិកកំប៉ុក» ជាដើម៕