កូនខ្មែរកាត់បារាំង កញ្ញា Marianne ស្រឡាញ់និងចង់ជួយសត្វដំរីខ្មែរ

ជាតិ

បទយកការណ៍ / បទសម្ភាសន៍

២៥ខេត្ត/រាជធានី

កូនខ្មែរកាត់បារាំង កញ្ញា Marianne ស្រឡាញ់និងចង់ជួយសត្វដំរីខ្មែរ

28, Mar 2019 , 2:59 pm

រូបភាព

រូបភាពដោយ Jérémie Montessuis

ដោយ: ញឹក ស្រីល័ក្ខ (Nhek Sreyleak)

ភ្នំពេញ៖ កញ្ញា Marianne Clais ជាកូនកាត់បារាំង និងជាទូតសុច្ឆន្ទៈនៃសមាគមអភិរក្សដំរីខ្មែរអៃរាវត្តា។ កូនកាត់បារាំងនេះ មានចិត្តស្រឡាញ់និងចង់ជួយសត្វដំរីខ្មែរ ហើយបានអំពាវនាវដល់សាធារណជនឲ្យចូលរួម និងបរិច្ចាគថវិកា ក្នុងព្រឹត្តិការណ៍រាត្រីសប្បុរសធម៌ ដើម្បីទ្រទ្រង់និងការពារសត្វដំរី៤ក្បាលនៅខេត្តរតនគិរី។ ព្រឹត្តិការណ៍រាត្រីសប្បុរសធម៌នេះ នឹងរៀបចំនៅសណ្ឋាគារ Le Royal Raffles រាជធានីភ្នំពេញ នាថ្ងៃអាទិត្យ ទី៣១ ខែមីនា។

ព្រឹត្តិការណ៍រាត្រីសប្បុរសធម៌ ដើម្បីដំរីខ្មែរនេះ នឹងមានការបញ្ចាំងវីដេអូខ្លីស្តីពីការអភិរក្សសត្វដំរីអៃរាវត្តា, ការបង្ហាញក្បាច់គុណល្បុក្កតោ, ការដេញថ្លៃគំនូររបស់វិចិត្រករ៖ លោក ឯម រាម, លោក ឈឹម សុធី, លោក នូ សារី និងក្រុមយក្សា រួមទាំងការបង្ហាញសៀករហ័សកម្ម និងការបង្ហាញម៉ូដសម្លៀកបំពាក់ដែលច្នៃពីក្រណាត់ជនជាតិដើមភាគតិចផងដែរ។

ដើម្បីជ្រាបច្បាស់ សូមអញ្ជើញទស្សនាបទសម្ភាសរវាងកញ្ញា ញឹក ស្រីល័ក្ខ អ្នកសារព័ត៌មាន ThmeyThmey ជាមួយកញ្ញា Marianne ទូតសុច្ឆន្ទៈនៃសមាគមអភិរក្សសត្វដំរីខ្មែរអៃរាវត្តាដូចតទៅ៖

ក្នុងបទសម្ភាសជាមួយសារព័ត៌មានថ្មីៗ កញ្ញា Marianne ដែលជាទូតសុឆន្ទៈរបស់សមាគមអភិរក្សដំរីអៃរាវត្តាបានអំពាវនាវដល់សាធារណជនមេត្តាចូលរួមគាំទ្រ និងបរិច្ចាគថវិកា ក្នុងការជួយទ្រទ្រង់ និងការពារសត្វដំរី៤ក្បាលចុងក្រោយនៅខេត្តរតនគិរី។ កូនកាត់បារាំងរូបនេះ បានលើកឡើងពីភាពអស្ចារ្យរបស់សត្វដំរី ដោយនាងយល់ថាសត្វដំរីមានសារៈសំខាន់ក្នុងការកសាងព្រះរាជាណាចក្រកម្ពុជា៕

សូមអញ្ជើញទំនាក់ទំនងចូលរួមកម្មវិធីនេះតាមទូរស័ព្ទលេខ៖ 012 214 468 / 012 965 165 ,
Email: [email protected] ឬតាមតំណភ្ជាប់ Fundraising Gala Cooktail for the Cambodian Elephants