ប្រធានក្លិបអង្គរថាយហ្គឺររំពឹងទាក់ទាញអ្នកគាំទ្រ៥ពាន់នាក់ ពេលធ្វើម្ចាស់ផ្ទះលើកដំបូង

កីឡាជាតិ

ជាតិ

ប្រធានក្លិបអង្គរថាយហ្គឺររំពឹងទាក់ទាញអ្នកគាំទ្រ៥ពាន់នាក់ ពេលធ្វើម្ចាស់ផ្ទះលើកដំបូង

29, Mar 2019 , 8:59 am

រូបភាព

លោក Akihiro kato (ពាក់អាវធំបែខ្នង)ស្វាគមន៍អ្នកគាំទ្រដែលមកទស្សនាការប្រកួតកាលពីរដូវកាលឆ្នាំ២០១៨

ដោយ:

ក្លិបបាល់ទាត់អង្គរថាយហ្គឺរ ដែលទើបបង្កើតឈ្មោះក្រុមអ្នកគាំទ្រផ្ទាល់ខ្លួន«Tiger Army»កាលពីពេលថ្មីៗ បានដាក់គោលដៅដោយរំពឹងមានអ្នកគាំទ្រ៥ពាន់នាក់ មកទស្សនាការប្រកួតក្រមខណ្ឌខេមបូឌានលីក ដែលខ្លួនធ្វើម្ចាស់ផ្ទះលើកដំបូង។ ក្រុមមានមូលដ្ឋាននៅខេត្តសៀមរាបមួយនេះ ត្រូវបើកទ្វារកីឡដ្ឋានខ្លួនស្វាគមន៍បឹងកេត នៅថ្ងៃទី៧ ខែមេសា ឆ្នាំ២០១៩ ខាងមុខនេះ។

ប្រធានក្លិបបាល់ទាត់អង្គរថាយហ្គឺរលោក Akihiro Kato បានដាក់គោលដៅដោយរំពឹងទាក់ទាញអ្នកគាំទ្រប្រមាណ៥ពាន់នាក់ ពេលខ្លួនធ្វើម្ចាស់ផ្ទះលើកដំបូង នាជំនួបរវាងក្រុមអង្គរថាយហ្គឺរជាមួយក្រុមបឹងកេត ក្នុងពានរង្វាន់ក្របខណ្ឌខេមបូឌានលីកនៅថ្ងៃទី៧ ខែមេសា ឆ្នាំ២០១៩ នាកីឡដ្ឋានខេត្តសៀមរាប។

កាលពីរដូវកាលឆ្នាំ២០១៨ ក្លិបមានមូលដ្ឋាននៅខេត្តសៀមរាបមួយនេះ បានជាប់ជាក្លិបមានអ្នកមកទស្សនាការប្រកួតច្រើនជាងគេ។ កត្តានេះ បានជំរុញឲ្យក្លិបអង្គរថាយហ្គឺរសម្រេចបង្កើតឈ្មោះអ្នកគាំទ្រ ឈ្មោះថា«Tiger Army» កាលពីអំឡុងខែកុម្ភៈ ឆ្នាំ២០១៩ ដើម្បីសម្គាល់អ្នកគាំទ្រផ្ទាល់ខ្លួនរបស់ក្លិប។

មុនជំនួបដ៏ជក់ចិត្តខាងលើមកដល់ ក្រុមអង្គរថាយហ្គឺរត្រូវប្រជែងជាមួយក្រុមចំណូលថ្មីខេត្តកំពង់ចាម សម្រាប់ជំនួបសប្តាហ៍ទី២នៃពានរង្វាន់ក្របខណ្ឌកំពូល នៅថ្ងៃទី៣០ ខែមីនា ឆ្នាំ២០១៩ នៅកីឡដ្ឋានវិទ្យាល័យ ប៊ុនរ៉ានី ហ៊ុន សែន មេមត់។ នាការប្រកួតបើកក្រុមប្រើប្រាស់កីឡដ្ឋានខេត្តសៀមរាបជាមូលដ្ឋានមួយនេះ បញ្ចប់ក្នុងលទ្ធផលស្មើ ១-១ ជាមួយក្រុមក្រសួងការពារជាតិ៕