ជាតិ
សង្គមជាតិ
ម្ដាយនិស្សិត ឌុំ រីដា ប្ដឹងទារ២០ម៉ឺនដុល្លារ និងសុំឲ្យដាក់ទោសជនល្មើសតាមច្បាប់
× អ្នកស្រី្ត ផាត់ ពៅ ជាម្ដាយកញ្ញា ឌុំ រីដា និស្សិតឆ្នាំទី៤ ដែលបានស្លាប់ដោយសាររថយន្តបុក បានដាក់ពាក្យប្តឹងកញ្ញា យិន ម៉ាណា ជាអ្នកបើករថយន្តបុក។ ក្នុងបណ្តឹងនោះ អ្នកស្រី សុំទារសំណង២០ម៉ឺនដុល្លារ និងសុំឲ្យតុលាការ ចាត់វិធានការតាមផ្លូវច្បាប់។
កញ្ញា យិន ម៉ាណា បានយល់ព្រមចូលទៅបំភ្លឺនៅមុខសមត្ថកិច្ច នៅព្រឹកថ្ងៃទី២៩មីនានេះ។ លោក យិន ហ្គិច ជាឪពុករបស់កញ្ញា យិន ម៉ាណា បានចូលទៅសារភាពមុនកូនស្រី នៅការិយាល័យនគរបាលចរណ៍ផ្លូវគោកថា កូនស្រីរបស់លោក ជាអ្នកបើករថយន្តបុកកញ្ញា ឌុំ រីដា។
មុននឹងទៅជួបសមត្ថកិច្ច គ្រួសាររបស់លោក យិន ហ្គិច បានផ្ញើថវិកា៥០០០ដុល្លារ ទៅចូលបុណ្យសពកញ្ញា ឌុំ រីដា។
មេធាវីពីររូបរបស់សម្តេចនាយករដ្ឋមន្ត្រី ហ៊ុន សែន ស្ម័គ្រចិត្តការពារក្តីឲ្យគ្រួសារសពកញ្ញា ឌុំ រីដា ដើម្បីស្វែងរកយុត្តិធម៌៕
Tag:
គ្រោះថ្នាក់ចរាចរណ៍
ឌុំ រីដា
© រក្សាសិទ្ធិដោយ thmeythmey.com