អត្ថបទពាណិជ្ជកម្ម
សង្ក្រាន្តខេត្តកែប ត្រៀមខ្លួនជាស្រេចស្វាគមន៍ទេសចរពីគ្រប់ទិសទី ក្នុងឱកាសបុណ្យចូលឆ្នាំខ្មែរ
× ខេត្តកែប បានត្រៀមខ្លួនរួចជាស្រេច ក្នុងការទទួលស្វាគមន៍ប្រជាពលរដ្ឋ និងអ្នកទេសចរជាតិ និងអន្តរជាតិពីគ្រប់ទិសទី ចូលរួមលេងកម្សាន្តសប្បាយ នៅក្នុងព្រឹត្តិការណ៍ សង្ក្រាន្តខេត្តកែប ដែលនឹងប្រព្រឹត្តទៅ ចាប់ពីថ្ងៃទី ១៤-១៦ ខែមេសា ឆ្នាំ២០១៩ខាងមុខនេះ។ ព្រឹត្តិការណ៍នេះ រៀបចំឡើងដើម្បីបង្កើតភាពសប្បាយរីករាយជូនភ្ញៀវទេសចរជាតិ និងអន្តរជាតិ បង្កើតការជួបជុំប្រមូលផ្តុំលេងល្បែងប្រជាប្រិយខ្មែរ នៅក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ។ ព្រឹត្តិការណ៍ដ៏រីករាយនេះ ផ្តួចផ្តើមឡើងដោយរដ្ឋបាលខេត្តកែប សហការជាមួយ ក្រុមហ៊ុន A&S Advertising និងទទួលបានការឧបត្ថម្ភផ្តាច់មុខដោយស្រាបៀអង្គរ និងភេសជ្ជៈ Pepsi។
នៅក្នុងរយៈពេល៣ថ្ងៃនេះ សង្ក្រាន្តខេត្តកែបនឹងមានការរៀបចំកម្មវិធីកម្សាន្តសប្បាយៗជាច្រើន ដូចជាការលេងល្បែងប្រជាប្រិយខ្មែរគ្រប់ប្រភេទ ការរាំលេងកម្សាន្តជាមួយនឹងចង្វាក់ប្រពៃណីខ្មែរ ការរាំលេងកម្សាន្តជាមួយDJ និងបទចម្រៀងបែបពេញនិយម ទស្សនាការប្រគំតន្ត្រីខ្នាតធំ ការតាំងពិព័រណ៍ផលិតផល នៅទីតាំងសួនច្បារខាងមុខសាលាខេត្តកែបផងដែរ។ លើសពីនេះ នឹងមានការបាញ់កាំជ្រួចនៅពេលរាត្រី ដើម្បីអបអរសាទរព្រឹត្តិការណ៍សង្ក្រាន្តខេត្តកែប និងញ៉ាំងឲ្យព្រឹត្តិការណ៍នេះ កាន់តែរំភើបរីករាយ និងទាក់ទាញ។ ដូច្នេះកុំភ្លេចចូលរួមលេងល្បែប្រជាប្រិយខ្មែរ និងរាំលេងកម្សាន្តនូវចង្វាក់ប្រពៃណី នៅសង្ក្រាន្តខេត្តកែប ឲ្យបានច្រើនកុះករទាំងអស់គ្នា។
ក្រៅតែពីការរៀបចំកម្មវិធីសប្បាយៗសម្រាប់បងប្អូនប្រជាពលរដ្ឋ និងភ្ញៀវទេសចរជាតិ និងអន្តរជាតិ រដ្ឋបាលខេត្តកែប ក៏បានយកចិត្តទុកដាក់ខ្ពស់ ចំពោះសន្តិសុខ និងសុវត្ថិភាពរបស់ពលរដ្ឋផងដែរ។ កងកម្លាំងសន្តិសុខជាច្រើននាក់ត្រូវបានត្រៀមរួចជាស្រេច ដើម្បីការពារសន្តិសុខ សុវត្ថិភាព និងរៀបចំសណ្តាប់ធ្នាប់ នៅក្នុងព្រឹត្តិការណ៍សង្ក្រាន្តរយៈពេល៣ថ្ងៃនេះ។ មិនត្រឹមតែប៉ុណ្ណោះ អាជ្ញាធរខេត្ត និងមន្ត្រីពាក់ព័ន្ធក៏បានចុះអប់រំ និងណែនាំដល់ម្ចាស់សណ្ឋាគារ ម្ចាស់ផ្ទះសំណាក់ និងប្រតិបត្តិករទេសចរណ៍ដទៃទៀត យកចិត្តទុកដាក់ផ្តល់សេវាឲ្យល្អបំផុតជូនភ្ញៀវទេសចរ ដើម្បីលើកកម្ពស់វិស័យទេសចរណ៍នៅក្នុងខេត្តទាំងមូលផងដែរ។
ដឹងតែ សប្បាយឲ្យអស់ដៃហើយ សង្ក្រាន្តខេត្តកែបលើកទី១ មានកម្មវិធីប្រពៃណីច្រើនហើយមិនបាច់ភ័យរឿងសន្តិសុខ និងកន្លែងស្នាក់នៅនោះទេ។ ធ្វើដំណើរកម្សាន្តក្នុងស្រុក ចូលរួមលើកកម្ពស់ទេសចរណ៍ក្នុប្រទេស និងជំរុញសេដ្ឋកិច្ចជាតិ៕
© រក្សាសិទ្ធិដោយ thmeythmey.com