សម្តេចនាយក៖ កម្ពុជា សុខចិត្តឲ្យគេផ្តាច់ជំនួយឬការអនុគ្រោះពន្ធ ក៏មិនឲ្យគេខោកក្បាលដែរ

ជាតិ

នយោបាយជាតិ

សម្តេចនាយក៖ កម្ពុជា សុខចិត្តឲ្យគេផ្តាច់ជំនួយឬការអនុគ្រោះពន្ធ ក៏មិនឲ្យគេខោកក្បាលដែរ

30, Mar 2019 , 3:59 pm

រូបភាព

សម្តេចនាយករដ្ឋមន្រ្តី ស្ថិតក្នុងឯកសណ្ឋានយោធា នាពិធីអបអរសាទរខួប២០ឆ្នាំ នៃការបង្កើតកងទ័ពជើងគោក ដែលប្រារព្ធឡើង កាលពីថ្ងៃទី២៤ ខែមករា ឆ្នាំ២០១៩

ដោយ: ថ្មីៗ

សម្តេច ហ៊ុន សែន ប្រមុខរដ្ឋាភិបាលកម្ពុជា នៅតែបង្ហាញជំហររឹងពឹងដាក់បរទេស ដែលចូលចិត្តគំរាមកំហែងកម្ពុជាជាដដែលៗ ពីការផ្តាច់ជំនួយឬការដកប្រព័ន្ធអនុគ្រោះពន្ធ ជាពិសេស ចំពោះសហភាពអឺរ៉ុប ដែលកំពុងដំណើរការនីតិវិធីនៃការដកប្រព័ន្ធអនុគ្រោះពន្ធ EBA ចេញពីកម្ពុជា។

សំឡេងនាយករដ្ឋមន្ត្រី

ក្នុងវេទិកាដ៏សំខាន់មួយ កាលពីព្រឹកថ្ងៃទី២៩ ខែមីនា ឆ្នាំ២០១៩ ស្តីពីជំនួបរវាងរដ្ឋាភិបាលកម្ពុជានិងវិស័យឯកជន ដែលមានការចូលរួមពីពួកអ្នកវិនិយោគនិងទូតនានា ដោយមានទាំងទូតសហភាពអឺរ៉ុបដែរនោះ ប្រមុខរដ្ឋាភិបាលកម្ពុជា បាននិយាយជាថ្មីថា ទោះសហភាពអឺរ៉ុប ដក EBA ហើយតម្រូវឲ្យកម្ពុជាបង់ពន្ធ ក៏កម្ពុជា មិនខ្វល់ដែរ។ មេដឹកនាំកម្ពុជា ប្រកាសថា កម្ពុជា ដាច់ខាតមិនឲ្យបរទេស យកជំនួយឬការអនុគ្រោះពន្ធមកដាក់មុខ ហើយប្រដៅឬបង្គាប់បញ្ជាកម្ពុជាឲ្យធ្វើនេះ-ធ្វើនោះឡើយ។

នៅចំពោះអ្នករកស៊ីនិងទូតនៃបណ្តាប្រទេសទាំងនោះ មេដឹកនាំកម្ពុជា សង្កត់ធ្ងន់យ៉ាងដូច្នេះថា៖«កម្ពុជា ត្រូវការសហការជាមួយដៃគូ តែកម្ពុជា មិនត្រូវការឲ្យគេខោកក្បាលតាមចិត្តនោះទេ»។