ជាតិ
រយៈពេលជិត៣០ឆ្នាំ និស្សិតកម្ពុជា ជាង១ពាន់នាក់ បានទទួលអាហារូបករណ៍សិក្សានៅជប៉ុន និស្សិត២៥នាក់ទទួលបានអាហារូបករណ៍ទៅសិក្សានៅប្រទេសជប៉ុន ប្រចាំឆ្នាំ២០១៩
× ភ្នំពេញ៖ និស្សិតកម្ពុជាចំនួន ១,១០០នាក់ហើយ ដែលបានទទួលអាហារូបករណ៍ ទៅសិក្សានៅប្រទេសជប៉ុនចាប់ពីឆ្នាំ១៩៩២ ដល់ឆ្នាំ២០១៩។ នេះបើតាមប្រសាសន៍របស់ លោក ហូរីណូអ៊ុជិ ហ៊ីដេហ៊ីសា(Hidehisa Horinouchi) ឯកអគ្គរដ្ឋទូតជប៉ុនប្រចាំកម្ពុជា។
លោក Hidehisa Horinouchi បានថ្លែងនៅក្នុងពិធីជប់លៀងជូនដំណើរនិស្សិតជាប់អាហារូបករណ៍រដ្ឋាភិបាលជប៉ុនថា និស្សិតដែលបានជាប់អាហារូបករណ៍របស់រដ្ឋាភិបាលជប៉ុននេះ ត្រូវបានឆ្លងកាត់ការប្រឡងលើកទីមួយ មុននឹងឆ្លងកាត់វគ្គជម្រុះលើកទីពីរ ជាមួយបេក្ខជនមកពីបណ្តាលប្រទេសផ្សេងទៀត។ ក្នុងការជម្រុះនេះ រដ្ឋាភិបាលជប៉ុនបានផ្តល់ឱកាសដល់និស្សិតកម្ពុជាចំនួន២៥នាក់ ជារៀងរាល់ឆ្នាំ សម្រាប់ទៅសិក្សាជំនាញផ្សេងៗក្នុងសាកលវិទ្យាល័យនានា ក្នុងប្រទេសជប៉ុន។
លោក ហូរីណូអ៊ុជិ ហ៊ីដេហ៊ីសា ឯកអគ្គរដ្ឋទូតជប៉ុនប្រចាំកម្ពុជា
ជាមួយគ្នានេះ លោក ពិត ចំណាន រដ្ឋលេខាធិការក្រសួងអប់រំ យុវជន និងកីឡា បានចាត់ទុក ជំនួយថវិកា និងអាហារូបករណ៍ដល់និស្សិតកម្ពុជាពីសំណាក់រដ្ឋាភិបាលជប៉ុន គឺជាផ្នែកមួយដ៏សំខាន់ ក្នុងការជួយលើកកម្ពស់ធនធានមនុស្ស ដើម្បីអភិវឌ្ឍប្រទេសកម្ពុជាឲ្យរីកចម្រើន៕
លោក ពិត ចំណាន រដ្ឋលេខាធិការក្រសួងអប់រំ យុវជន និងកីឡា
Tag:
អប់រំ
អាហារូបករណ៍
និស្សិត
© រក្សាសិទ្ធិដោយ thmeythmey.com