ជាតិ
ចិន សហការជាមួយកម្ពុជាប្រឆាំងបទល្មើសឆបោកអ៊ីនធឺណិត
× ភ្នំពេញ៖ ក្រសួងមហាផ្ទៃ-ក្រសួងសន្តិសុខសាធារណៈចិន បានចុះអនុស្សារណៈនៃការយោគយល់គ្នា ស្តីពីការពង្រឹងកិច្ចសហប្រតិបត្តិការក្នុងការប្រយុទ្ធប្រឆាំងនឹងបទល្មើសឆបោក តាមមធ្យោបាយទូរគម នាគមន៍ក្នុងឆ្នាំ២០១៩។ នេះបើតាមការផ្សាយរបស់គេហទំព័រនគរបាលជាតិ។
ក្នុងអំឡុងពេលនៃដំណើរទស្សនកិច្ចនេះ ភាគីទាំងពីរបានចុះ កិច្ចសហប្រតិបត្តិការសំខាន់ៗចំនួន៣រួមមាន អនុស្សារណៈនៃការយោគយល់គ្នា ស្តីពីការពង្រឹងកិច្ចសហប្រតិបត្តិការក្នុងការប្រយុទ្ធប្រឆាំងនឹងបទល្មើសឆបោកតាមមធ្យោបាយទូរគមនាគមន៍។ ផែនការសកម្មភាពសម្រាប់អនុស្សារណៈនៃការយោគយល់គ្នារវាងក្រសួងមហាផ្ទៃ និងក្រសួងសន្តិសុខសាធារណៈចិន រយ:ពេល៥ឆ្នាំបន្ត និង ផែនការការងារសម្រាប់ឆ្នាំនៃកិច្ចសហប្រតិបត្តិការអនុវត្តច្បាប់ឆ្នាំ២០១៩ រវាងក្រសួងមហាផ្ទៃ និងក្រសួងសន្តិសុខសាធារណៈ។
សូមបញ្ជាក់ថា កាលពីឆ្នាំ២០១៨ កម្ពុជាបានបណ្ដេញជនជាតិចិនប្រមាណ ៧០០ នាក់ ចេញពីកម្ពុជា។ ការឃាត់ខ្លួនជនជាតិ ចិន ចុងក្រោយ គឺចំនួន ១៦៨ នាក់ កាលពីថ្ងៃទី២៧ មីនា ក្នុងខេត្ត សៀមរាប ពីបទបើកការភ្នាល់ល្បែងស៊ីសងតាមអ៊ីនធឺណិត៕
© រក្សាសិទ្ធិដោយ thmeythmey.com