ជាតិ
លោក ស៊ុន ចាន់ថុល៖ កម្ពុជាខាតបង់ ៣៥០ លានដុល្លារក្នុងមួយឆ្នាំពីគ្រោះថ្នាក់ចរាចរណ៍
×![]()
ភ្នំពេញ៖ លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បាននិយាយថា កម្ពុជា ខាត់បង់ថវិកាចំនួន ៣៥០ លានដុល្លារករណីគ្រោះថ្នាក់ចរាចរណ៍ ក្នុង១ឆ្នាំៗ។ លោក បានបន្ថែមទៀតថា ៧៨% នៃករណីគ្រោះថ្នាក់ចរាចរណ៍ទាំងនោះ បណ្ដាល មកពីអ្នកបើកបរមិនពាក់មួកសុវត្តិភាព។
លោក ស៊ុន ចាន់ថុល បានបន្ដទៀតថា៖ “ច្បាប់តម្រូវឲ្យពាក់មួកសុវត្ថិភាពគឺដើម្បីការពារជីវិតអ្នកបើកបរ ប៉ុន្តែបើយើង បាត់បង់ជីវិតទៅ បន្សល់ទុកនៅកុមារកំព្រា ស្ត្រីមេមាយជាច្រើន។ គ្រោះថ្នាក់ចរាចរណ៍ បង្កការខូច ខាត់ដល់ការកសាងប្រទេសជាតិ ជាទឹកប្រាក់ចំនួន ៣៥០ លានដុល្លារ”។
លោក ស៊ុន ចាន់ថុល អនុប្រធានគណ:កម្មការជាតិសុវត្ថិភាពចរាចរណ៍ផ្លូវគោក បានស្នើ ២ ចំណុច ទៅកាន់ សម្ដេច ស ខេង រដ្ឋមន្ត្រីក្រសួងមហាផ្ទៃ ឲ្យលោកចេញ លិខិតផ្សព្វផ្សាយ ទៅស្ថាប័នរដ្ឋ ទាំងអស់ឲ្យមានកម្មវិធីបណ្ដុះបណ្ដាលបុគ្គលិករដ្ឋ ពីច្បាប់ចរាចរណ៍។ ទី២ គឺស្នើឲ្យគ្រប់រោងចក្រ ក្រុមហ៊ុន រៀបចំកម្មវិធីបណ្ដុះបណ្ដាលច្បាប់ចរាចរណ៍ទៅតាមរោងចក្រ ក្រុមហ៊ុនរៀងៗខ្លួន។
លោក ស៊ុន ចាន់ថុល ក៏បានបញ្ជាក់ដែរថា គ្រោះថ្នាក់ចរាចរណ៍ភាគច្រើន បណ្ដាលមកពី អ្នកបើក រថយន្តធំៗ គ្មានប័ណ្ណបើកបរ និងមានប័ណ្ណបើកបរ ក្លែងក្លាយ។ អ្នករថយន្តធុនធំ គ្មានប័ណ្ណបើកបរ ២៤% និងមានប័ណ្ណបើកបរក្លែងក្លាយ ១០% ក្នុងពេលបច្ចុប្បន្ន៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
