ជាតិ
×![]()
ភ្នំពេញ៖ ក្រសួងការងារ និងបណ្ដុះបណ្ដាលវិជ្ជាជីវ: បានប្រកាស ថ្ងៃឈប់សម្រាកសម្រាប់បុណ្យ ចូលឆ្នាំខ្មែរ រយ:ពេល ៤ថ្ងៃ ចាប់ពីថ្ងៃទី១៤ ដល់ថ្ងៃទី១៧ ខែមេសា។ នេះបើតាមសេចក្ដីជូនដំណឹងរបស់ក្រសួងការងារ កាលពីថ្ងៃទី២៩ ខែមីនា។
ក្រសួងការងារ បានបញ្ជាក់បន្ថែមថា ករណីចាំបាច់បំផុតដែលសហគ្រាស និងគ្រឹះស្ថាន មិនអាច បញ្ឈប់ សកម្មភាពការងាររបស់ខ្លួនបានក្នុងឱកាស បុណ្យចូលឆ្នាំខ្មែរខាងមុខនេះ ម្ចាស់ ឬនាយកសហ គ្រាស គ្រឹះស្ថាន ត្រូវសម្របសម្រួលជាមួយកម្មករ និយោជិតឲ្យមានការស្ម័គ្រចិត្ត ព្រមទាំង បែងចែកឲ្យមានពេលវេលា និងថ្ងៃឈប់សម្រាកបុណ្យបានសមស្រប។
កម្មករ និយោជិតដែលធ្វើការថ្ងៃបុណ្យចូលឆ្នាំខ្មែរ មានសិទ្ធិទទួល នូវប្រាក់ បំណាច់បន្ថែម ដែលមានចំនួនស្មើរនឹងប្រាក់ឈ្នួលថ្ងៃធ្វើការធម្មតាផងដែរ។
សូមជម្រាបថា ក្រសួងការងារ និងបណ្ដុះបណ្ដាលវិជ្ជជីវ: បានអំពាវនាវដល់សហគ្រាស គ្រឹះស្ថាន គួរចាត់តាំងឲ្យមានការលេងល្បែងកម្សាន នានា នៅតាមសហគ្រាស គ្រឹះស្ថានរបស់ខ្លួន ដើម្បីចូលរួមអបអរសាទរពិធីបុណ្យចូលឆ្នាំខ្មែរ ដើម្បីលើកទឹកចិត្តដល់កម្មករ និយោជិតក្នុងឱកាស បុណ្យចូលឆ្នាំប្រពៃណីខ្មែរ៕
© រក្សាសិទ្ធិដោយ thmeythmey.com
