​ព្រែក​អូរ​ស្ទឹង សឹង​រីងស្ងួត ​ហួតហែង​ហើយ​

​គ្មាន​សល់​ឡើយ ស្រូវ​ក្នុង​ស្រែ ក្រៃ​ក្រៀមក្រោះ​

​តំបន់​ខ្លះ ប៉ះ​ហ្វូង​សត្វ បាត់បង់​បោះ​

​ជាតិ​ទឹក​ខ្សោះ អស់​សំណាប ដាប​ដួល​ដី​។​
 

​អែល​នី​ណូ​ ​ប្តូរ​មេឃ​ក្តៅ  ហៅ​ហិនហោច​

​ទឹក​ផឹក​ស្រោច ហោច​ហួត​ហៅ ក្តៅ​ក្តាំ​ក្តី​

​សម្តេច​ផ្តាំ ត្រឹម​ចែក​ទឹក ហើយ​ហាក់​ហី​

​មិន​គ្រប់​អី មន្ត្រី​ត្រូវ ជួយ​ចាត់ចែង​។​
 

​ជីក​អណ្តូង គ្រោង​ជីក​ស្រះ ស្រួល​ស្រង់​ស្រោច​

​ផ្តល់​ប្រយោជន៍ បានយូរ​ថ្ងៃ ថ្លៃថ្លា​ថ្លែង​

​ជីក​ប្រឡាយ កាយ​ប្រឡង់ បើក​បាន​បែង​

​ចុះជួយ​ស្តែង រាស្ត្រ​លែង​ក្តៅ ដៅ​ដាំ​ដុះ​។​