ស្ថាបត្យករជួសជុលប្រាសាទបាយ័ន៖ «យើងរក្សារូបភាពដើមនៃសំណង់ប្រាសាទជាចាំបាច់»

ជាតិ

ស្ថាបត្យករជួសជុលប្រាសាទបាយ័ន៖ «យើងរក្សារូបភាពដើមនៃសំណង់ប្រាសាទជាចាំបាច់»

02, Apr 2019 , 7:19 pm

រូបភាព

ដោយ:

សៀមរាប៖ ជប៉ុនបានផ្ដល់ជំនួយ ពិសេសលើផ្នែកបច្ចេកទេស សម្រាប់ការជួសជុលប្រាសាទបាយ័ន ចាប់ពីឆ្នាំ១៩៩៤ ដោយបែងចែកជាដំណាក់កាលៗ។ គម្រោងចុងក្រោយនេះ គឺចាប់ផ្ដើមអនុវត្តពីពាក់កណ្ដាលឆ្នាំ២០១៨ ដល់ពាក់កណ្ដាលឆ្នាំ២០២០ ពោលគឺមានរយៈពេល៣ឆ្នាំ។ គម្រោងថ្មីសម្រាប់ការជួសជុលប្រាសាទបាយ័ននេះ គឺធ្វើការកែលម្អសោភ័ណភាព និងសុវត្ថិភាពជ្រុងរបាំឦសាន ដោះស្រាយភាពបំណែកប្រេះនៃកំពូលកណ្ដាលខាងលើ និងរក្សាចម្លាក់នៅខាងក្នុងប្រាសាទ។

ការជួសជុលកែលម្អប្រាសាទបាយ័ននេះ គឺធ្វើយ៉ាងណារក្សាស្ថិរភាពប្រាសាទ ថែរក្សាថ្មប្រាសាទ និងរក្សារូបភាពដើមនៃសំណង់ប្រាសាទជាចាំបាច់ ដោយចៀសវាងការបាត់បង់រូបភាពដើម។

លោក សឿ សុធី ស្ថាបត្យករ និងជាប្រធានក្រុមការងារជប៉ុន-អប្សរាសម្រាប់ការអភិរក្សអង្គរ (JASA) អះអាងថា ការជួសជុលប្រាសាទ គឺធ្វើតែលើផ្នែកដែលអាចប៉ះពាល់សុត្ថិភាពអ្នកចូលទស្សនា និងរក្សាស្ថិរភាពប្រាសាទប៉ុណ្ណោះ ដោយចៀសវាងការជួសជុលច្រើនអាចនាំឲ្យខូចខាតភាពដើមប្រាសាទ។

សូមស្ដាប់ការពន្យល់របស់លោក សឿ សុធី ជុំវិញការជុសជុលប្រាសាទបាយ័ន ខាងក្រោមនេះ៖