ទូតជប៉ុន ប្រាប់ពីវិធីសាស្ត្រកាត់បន្ថយការប្រើប្រាស់អគ្គិសនី

ជាតិ

ទូតជប៉ុន ប្រាប់ពីវិធីសាស្ត្រកាត់បន្ថយការប្រើប្រាស់អគ្គិសនី

04, Apr 2019 , 7:19 pm

រូបភាព

ដោយ: ធឿន បញ្ញាឬទិ្ធ

ភ្នំពេញ៖ ខណៈដែលអាកាសធាតុកំពុងកើនកម្ដៅនោះ ពលរដ្ឋគួរតែកាត់បន្ថយការប្រើប្រាស់អគ្គិសនី ដើម្បីកុំឲ្យមានការសាយភាយឧស្ម័នកាបូនិច ដែលនាំឲ្យកម្ដៅផែនដីកើនឡើង។ នេះជាការលើកឡើងរបស់លោក ហូរីណូអ៊ុជិ ហ៊ីដេហ៊ីសា អគ្គរដ្ឋទូតជប៉ុនប្រចាំកម្ពុជា។

លោក ហូរីណូអ៊ុជិ ហ៊ីដេហ៊ីសា បានចែករំលែកបទពិសោធន៍ការរស់នៅប្រទេសជប៉ុន តាមរយៈការវីដេអូឃ្លីបជាង២នាទីថា រៀងរាល់រដូវក្ដៅមកដល់ ប្រជាជនជប៉ុនតែងតែកាត់បន្ថយការប្រើប្រាស់អគ្គិសនី ដើម្បីបញ្ចៀសការសាយឧស្ម័នកាបូនិចច្រើន ដែលប៉ះពាល់ដល់អាកាសធាតុ តាមរយៈការអំពាវនាវពីសំណាក់រដ្ឋាភិបាលជប៉ុន។ ដូច្នេះមិនថានៅការិយាល័យរដ្ឋាភិបាល កន្លែងធ្វើការឯកជន ឬនៅគេហដ្ឋាននោះទេ គឺពលរដ្ឋជប៉ុន តែងតែកាត់បន្ថយការប្រើប្រាស់ម៉ាស៊ីនត្រជាក់ ដោយប្រើក្នុងកម្រិត២៨អង្សារ ក្នុងរដូវក្តៅ ដែលមានអាកាសធាតុ៣៥អង្សារដែរ។

ចំណែកមន្ត្រីរដ្ឋាភិបាល ហើយបុគ្គលិកធ្វើការក្រុមហ៊ុន មិនចាំបាច់ពាក់អាវធំខាងក្រៅ ឬក្រវ៉ាត់កអ្វីដែរ ធ្វើដូច្នេះគឺដើម្បីកាត់បន្ថយភាពស្អុះស្អាប់។រីឯចរន្តអគ្គិសនីវិញ គឺប្រើប្រាស់តែពាលចាំបាច់ប៉ុណ្ណោះ។ នេះជាការលើកឡើងរបស់អគ្គរដ្ឋទូតជប៉ុនប្រចាំកម្ពុជា ដែលចោទជាសំនួរមកកាន់ប្រជាជនកម្ពុជាវិញថា តើមានយល់ឃើញយ៉ាងណា ចំពោះវិធីសាស្ត្រកាត់បន្ថយការប្រើប្រាស់អគ្គិសនីនេះ?