ថៃ ឲ្យរថភ្លើង១គ្រឿង ដែលដាក់អ្នកដំណើរបានជាង៣០០នាក់ ដល់កម្ពុជា

ជាតិ

ថៃ ឲ្យរថភ្លើង១គ្រឿង ដែលដាក់អ្នកដំណើរបានជាង៣០០នាក់ ដល់កម្ពុជា

04, Apr 2019 , 8:59 pm

រូបភាព

ជំនួបរវាងរដ្ឋមន្រ្តីដឹកជញ្ជូនកម្ពុជា និង រដ្ឋមន្រ្តីដឹកជញ្ជូនថៃ។ រូបពីក្រសួងសាធារណការ

ដោយ:

ភ្នំពេញ៖ រដ្ឋាភិបាលថៃ នឹងផ្តល់រថភ្លើងដឹកអ្នកដំណើរ៤ទូ ដល់កម្ពុជា នៅចុងខែមេសានេះ ដើម្បីផ្តល់ភាពងាយស្រួលក្នុងការដឹកជញ្ជូនតាមផ្លូវដែកនៅកម្ពុជាឲ្យកាន់តែប្រសើរ។ នេះបើយោងតាមការផ្សាយរបស់ក្រសួងសាធារណការ និងដឹកជញ្ជូន កាលពីថ្ងៃទី៣ ខែមេសា។

ការសម្តេចផ្តល់រថភ្លើងនេះ គឺធ្វើឡើងក្នុងជំនួបរវាងលោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនកម្ពុជា និងលោក Arkhom Termpittayapaisith រដ្ឋមន្ត្រីដឹកជញ្ជូនថៃ។ រថភ្លើង គឺជារថភ្លើងប្រភេទ DMU (Diesel Multiple Unit) ដែលផលិតដោយក្រុមហ៊ុន Hitachi របស់ជប៉ុនចំនួន៤ទូ ដែលក្នុង១ទូ អាចផ្ទុកមនុស្សបាន៨០នាក់។

អត្ថបទទាក់ទង

រដ្ឋាភិបាលខ្មែរ សុំឲ្យជប៉ុន ចិន ថៃ និង វៀតណាម ជួយផ្តល់ក្បាលរថភ្លើងចាស់ៗ

បើតាមក្រសួងសាធារណការ សម្តេចនាយករដ្ឋមន្ត្រី ហ៊ុន សែន នឹងជួបលោក ប្រាយុទ្ធ ចាន់អូចា ដែលបច្ចុប្បន្នជានាយករដ្ឋមន្ត្រីថៃចាំផ្ទះ នៅខាងមុខនេះ ដើម្បីប្រារព្ធពិធីចាក់បេតុងជានិមិត្តរូបតភ្ជាប់ស្ពាននៃច្រកទ្វារអន្តរជាតិ ស្ទឹងបត់-បានណងអៀន ដែលទើបបង្កើតថ្មីនៅក្រុងប៉ោយប៉ែតផងដែរ៕