សម្តេច ហ៊ុន សែន ផ្ទេរមុខតំណែងមន្ត្រីនគរបាលជាតិជាន់ខ្ពស់៥រូប

ជាតិ

សម្តេច ហ៊ុន សែន ផ្ទេរមុខតំណែងមន្ត្រីនគរបាលជាតិជាន់ខ្ពស់៥រូប

05, Apr 2019 , 9:34 am

រូបភាព

ដោយ: ថ្មីៗ

ភ្នំពេញ៖ មន្ត្រីនគរបាលជាតិចំនួន៥រូប ត្រូវបានសម្ដេចនាយករដ្ឋមន្ត្រី ហ៊ុន សែន ផ្ទេរភារកិច្ច និងតែងតាំងមុខតំណែង តាមរយៈអនុក្រឹត្យចុះថ្ងៃទី៤ មេសា។

ក្នុងលិខិតដែលសម្ដេច ហ៊ុន សែន បានចុះហត្ថលេខាសម្រួលភារកិច្ចនេះ បានបញ្ជាក់ថា លោកឧត្តមសេនីយ៍ឯក ជីវ ផល្លី ជាប្រធាននាយកដ្ឋានប្រឆាំងការជួញដូរមនុស្ស និងការពារអនិតិជន។ ចំណែកលោកឧត្តមសេនីយ៍ឯក ម៉ៃ ឧត្តម ពីប្រធាននាយកដ្ឋាននគរបាលការពារព្រំដែនគោក ទៅជាអនុប្រធាននាយកដ្ឋានកណ្តាលនគរបាលព្រំដែន។ដោយឡែកលោកឧត្តមសេនីយ៍ទោ លៀង ភារម្យ ពីអនុប្រធានសេនាធិការ ទៅជាប្រធាននាយកដ្ឋាននគរបាលការពារព្រំដែនគោក។

ជាមួយគ្នានេះលោកឧត្តមសេនីយ៍ រុន រ័ត្នវាសនា ពីប្រធាននាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ទៅជាប្រធាននាយកដ្ឋាននគរបាលទេសចរណ៍។ រីឯលោកឧត្តមសេនីយ៍ទោ ហេង ចាន់ធារី ពីប្រធាននាយកដ្ឋាននគរបាលទេសចរណ៍ ទៅជាប្រធាននាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ។ នេះបើតាមអនុក្រឹត្យរដ្ឋាភិបាល៕