រដ្ឋាភិបាលអនុម័តគម្រោងវារីអគ្គិសនី១កន្លែង និងគម្រោងសូឡា២កន្លែងបន្ថែមទៀត

ជាតិ

សេដ្ឋកិច្ច

រដ្ឋាភិបាលអនុម័តគម្រោងវារីអគ្គិសនី១កន្លែង និងគម្រោងសូឡា២កន្លែងបន្ថែមទៀត

05, Apr 2019 , 5:27 pm

រូបភាព

ដោយ:

ភ្នំពេញ៖ ក្នុងកិច្ចប្រជុំគណៈរដ្ឋមន្ត្រីនៅថ្ងៃទី៥ខែមេសានេះ រដ្ឋាភិបាលបានផ្តោតចិត្តទុកដាក់លើការបង្កើតថាមពលអគ្គិសនីបន្ថែម។ ក្នុងនោះរដ្ឋាភិបាលបានអនុម័តលើគម្រោងអគ្គិសនីចំនួន៣ និងបន្ថែមអានុភាពលើគម្រោងមានស្រាប់១កន្លែង ដែលសរុបថាមពលចេញពីគម្រោងទាំងនេះទំហំ ២២០មេហ្គាវ៉ាត់បន្ថែមទៀត។

រដ្ឋាភិបាលបានយល់ព្រមឲ្យក្រុមហ៊ុន SPHP (Cambodia) វិនិយោគលើគម្រោងវារីអគ្គិសនីពោធិ៍សាត់១ ទំហំ៨០មេហ្គាវ៉ាត់។ គម្រោងនេះស្ថិតនៅឃុំប្រមោយ ស្រុកវាលវែង ខេត្តពោធិ៍សាត់ ដែលនឹងត្រូវនិយោគ ២៣១លានដុល្លារ ក្រោមរូបភាព សាងសង់-ដំណើរការ-ផ្ទេរ (BOT) សម្រាប់រយៈពេលសម្បទាន៣៩ឆ្នាំ។

ទន្ទឹមនឹងនេះ រដ្ឋាភិបាលបានអនុម័តឲ្យក្រុមហ៊ុន Schnei Tec Co., Ltd. វិនិយោគគម្រោងស្ថានីយអគ្គិសនីដើរដោយថាមពលពន្លឺព្រះអាទិត្យ២កន្លែង។ មួយកន្លែងនៅស្រុកក្រគរ ខេត្តពោធិ៍សាត់ទំហំ ៦០មេហ្គាវ៉ាត់ និងមួយកន្លែងទៀតអានុភាព ៦០មេហ្គាវ៉ាត់ដូចគ្នានៅស្រុកទឹកផុស ខេត្តកំពង់ឆ្នាំង។ ជាមួយគ្នានេះរដ្ឋាភិបាលបានយល់ព្រមលើការបន្ថែមអានុភាព ២០មេហ្គាវ៉ាត់ទៀតលើគម្រោងផលិតអគ្គិសនីដើរដោយពន្លឺព្រះអាទិត្យ ៦០មេហ្គាវ៉ាត់នៅកំពស់ស្ពឺ។

រដ្ឋាភិបាលអះអាងថា គម្រោងទាំងនេះសុទ្ធតែផ្ដល់ប្រយោជនច្រើនដល់កម្ពុជា តាមរយៈការកាត់បន្ថយការប្រើប្រាស់ប្រេងឥន្ធនៈតម្លៃខ្ពស់ បំពេញការខ្វះខាតក្នុងស្រុក ផ្ដល់ការងារ និងចំណូលជូនរដ្ឋ៕