អត្ថបទពាណិជ្ជកម្ម
×![]()
ដោយ: ថ្មីៗ
នៅថ្ងៃនេះ ស្ថានីយរថភ្លើងរ៉ូយ៉ាល់ រេលវេ និងក្រសួងសាធារណការ និងដឹកជញ្ជូន មានសេចក្តីរីករាយ ប្រកាសថា សាធារណជន នឹងទទួលបានជិះរតាមរថភ្លើងដោយឥតគិតថ្លៃ ក្នុងឱកាសបុណ្យចូលឆ្នាំប្រពៃណីជាតិខ្មែរខាងមុខនេះ រយៈពេល ៣ថ្ងៃ ចាប់ពីថ្ងៃ អាទិត្យទី១៤ រហូតដល់ថ្ងៃអង្គារ ទី១៦ ខែមេសា។
នាយកប្រតិបត្តិនៃស្ថានីយរថភ្លើង រ៉ូយ៉ាល់ រេលវេ លោក John Guiry បានឲ្យដឹងថា អ្នកដំណើរទាំងអស់ នៅតែត្រូវបានតម្រូវឲ្យកក់សំបុត្រធ្វើដំណើររបស់ខ្លួនជាមុន តាមវិធីផ្សេងៗដែលអាចជាការកក់សំបុត្រតាមប្រព័ន្ធអ៊ីនធឺណិត ឬក៏នៅការិយាល័យស្ថានីយរថភ្លើង ។ ប៉ុន្តែសំបុត្រនេះនឹងមិនត្រូវបានគិតថ្លៃនោះទេ។ លោក Guiry បាននិយាយថា៖ «នេះជាសម្មភាពមួយដែលបង្ហាញពីការចេះជួយគ្នាទៅវិញទៅមក ដល់អតិថិជនរបស់យើងក្នុងការប្រារព្ធពិធីបុណ្យប្រពៃណីជាតិខ្មែរ ក៏ដូចជាការបង្ហាញពីការតាំងចិត្តរបស់ពួកយើង ក្នុងនាមជាអ្នកផ្តល់សេវា ដែលអាចជួយកាត់បន្ថយការកកស្ទះចរាចរណ៍ ក្នុងអំឡុងពេលបុណ្យជាតិ»។
លោកបន្តថា៖«អ្វីដែលសំខាន់មួយទៀតដែលពួកយើងចង់បង្ហាញនោះគឺការមកដល់នៃរថភ្លើងថ្មីរបស់យើងសម្រាប់សេវាអ្នកដំណើរនៅព្រលានយន្តហោះ ហើយអ្នកដំណើរ អាចជិះសាកល្បងបានដោយឥតគិតថ្លៃ ក្នុងអំឡុងពេលសម្រាក៣ថ្ងៃខាងមុខនេះ»។ តំណាងឲ្យស្ថានីយរថភ្លើង រ៉ូយ៉ាល់ រេលវេ លោក John Guiry ក៏បានជូនពរដល់ប្រជាពលរដ្ឋទាំងអស់ដែលធ្វើដំណើរ ទៅប្រារព្ធពិធីបុណ្យចូលឆ្នាំ សូមមានសុវត្ថិភាព ទាំងទៅនិងមកផងដែរ៕
(អត្ថបទពាណិជ្ជកម្ម)
Tag:
Cellcard
© រក្សាសិទ្ធិដោយ thmeythmey.com
