តំណាងស.ស.យ.ក រំពឹងថាសៀមរាបសង្ក្រាន្ត នឹងទាក់ទាញអ្នកទេសចរមិនចាញ់អង្គរសង្ក្រាន្តដែរ

ជាតិ

បទយកការណ៍ / បទសម្ភាសន៍

តំណាងស.ស.យ.ក រំពឹងថាសៀមរាបសង្ក្រាន្ត នឹងទាក់ទាញអ្នកទេសចរមិនចាញ់អង្គរសង្ក្រាន្តដែរ

06, Apr 2019 , 9:29 pm

រូបភាព

ដោយ: អុីសា រ៉ហានី (Isa Rohany)

សៀមរាប៖សហភាពសហព័ន្ធយុវជនកម្ពុជា (សសយក) មិនរៀបចំព្រឹត្តិការណ៍អង្គរសង្ក្រាន្ត ដែលធ្លាប់រៀបចំ៦ឆ្នាំជាប់គ្នាមកហើយនៅខេត្តសៀមរាប។ ការផ្អាកនេះ ត្រូវបានស.ស.យ.ក ពន្យល់ថា ដើម្បីទុកឱកាសឱ្យមានការរៀបចំតាមបណ្ដាខេត្តផ្សេងៗ។ គ្មានអង្គរសង្ក្រាន្ត ប៉ុន្តែខេត្តទេសចរណ៍មួយនេះ រៀបចំសៀមរាបសង្ក្រាន្តវិញ ដើម្បីអបអរពិធីបុណ្យចូលឆ្នាំខ្មែរ ក៏ដូចជាឱ្យប្រជាពលរដ្ឋចូលរួមកម្សាន្ត។ លោក ឃឹម ហ្វីណង់ អនុប្រធាន សសយក ខេត្តសៀមរាប មានជំនឿថា សៀមរាបសង្ក្រាន្ត នឹងទាក់ទាញភ្ញៀវទេសចរឆ្ងាយជិតជាច្រើន មិនចាញ់ព្រឹត្តិការណ៍អង្គរសង្ក្រាន្តប៉ុន្មានឡើយ។

ដើម្បីជ្រាបព័ត៌មានលម្អិត សូមស្ដាប់បទសម្ភាសរវាងអ្នកនាង អ៊ីសា រ៉ហានី អ្នកសារព័ត៌មានថ្មីៗ និងលោក ឃឹម ហ្វីណង់ ក្នុងពិធីក្រុងពាលីបើកការដ្ឋានសៀមរាបសង្ក្រាន្ត កាលពីថ្ងៃទី១ ខែមេសាកន្លងទៅ៖

ស.ស.យ.ក ខេត្តសៀមរាប នឹងរៀបចំសៀមរាបសង្ក្រាន្ត នៅសួនច្បារព្រះរាជដំណាក់ រយៈពេល៣ថ្ងៃ ចាប់ពីថ្ងៃទី១៤ ដល់ទី១៦ ខែមេសា។ នៅក្នុងព្រឹត្តិការនេះ នឹងមានកម្មវិធីចម្រុះរួមមានការសម្ដែងរបាំបុរាណ ការលេងល្បែងប្រជាប្រិយ, ភូមិខ្ញុំ ការសម្ដែងតន្ត្រីសិល្បៈកម្សាន្ត និងតំបន់តោះៗលេងទឹក។ល។ ក្នុងបទសម្ភាសជាមួយសារព័ត៌មានថ្មីៗ លោក ឃឹម ហ្វីណង់ ពន្យល់ថា សៀមរាបសង្ក្រាន្ត បានយកកម្មវិធីមួយចំនួនចេញពីព្រឹត្ដិការណ៍អង្គរសង្ក្រាន្ត នោះក៏ព្រោះតែអង្គរសង្ក្រាន្កកន្លងមក ខាងខេត្តសៀមរាប គឺជាអ្នកទទួលខុសត្រូវរៀបចំកម្មវិធី៣០ ទៅ៤០ភាគរយ គឺ ជាអ្នករៀបចំ។ អនុប្រធាន សសយក សៀមរាបរំពឹងថា សៀមរាបសង្ក្រាន្តនឹងទាក់ទាញទេសចរជាតិ និងអន្តរជាតិបានច្រើន មិនចាញ់ព្រឹត្តិការណ៍អង្គរសង្ក្រាន្តឡើយ៕