ជាតិ
សម្ដេច ហ៊ុន សែន ស្នើម្ចាស់ផ្ទះសំណាក់ សណ្ឋាគារ និងអាជីវកម្មនៅខេត្តព្រះសីហនុ កុំដំឡើងថ្លៃនៅថ្ងៃចូលឆ្នាំ
× ភ្នំពេញ៖ សម្ដេចនាយករដ្ឋមន្ត្រី ហ៊ុន សែន ស្នើម្ចាស់ផ្ទះសំណាក់ និងសណ្ឋាគារ កុំដំឡើងថ្លៃសេវាផ្សេងៗ ដើម្បីសម្រួលឲ្យប្រជាពលរដ្ឋមានឱកាសស្នាក់នៅ និងកម្សាន្ត រួមទាំងប្រើប្រាស់សេវាកម្មនៅទីនេះបានដូចធម្មតា នៅថ្ងៃបុណ្យចូលឆ្នាំខ្មែរខាងមុខ។ ការអំពាវនាវរបស់សម្ដេច ហ៊ុន សែន នេះ ដោយសារសម្ដេចរំពឹងថា នឹងមានភ្ញៀវទេសចរច្រើនទៅលេងខេត្តមាត់សមុទ្រមួយនេះ។
អមជាមួយការអំពាវនាវនេះ សម្ដេច ហ៊ុន សែន ក៏បានអួតពីវឌ្ឍនភាពនៃខេត្តព្រះសីហនុ ដែលកំពុងទាក់ទាញភ្ញៀវទេសចរណ៍យ៉ាងច្រើន ទាំងភ្ញៀវជាតិ និងអន្តរជាតិ ពីព្រោះមានឆ្នេរសមុទ្រធម្មជាតិស្រស់ស្អាត។ បច្ចុប្បន្ននេះ ការធ្វើដំណើរពីខេត្តមួយទៅខេត្តមួយ ក៏កាន់តែងាយស្រួល ដោយសារផ្លូវថ្នល់ និងស្ពានធំទូលាយល្អ។
ខេត្តព្រះសីហនុ នឹងមានរៀបចំសង្ក្រាន្តសមុទ្រ ចាប់ពីថ្ងៃទី១៤ -១៦ មេសា ដើម្បីអបអរសាទរពិធីបុណ្យចូលឆ្នាំថ្មី ៕
© រក្សាសិទ្ធិដោយ thmeythmey.com