ភ្ញៀវទេសចរចិនមកកម្ពុជា នឹងបន្តនាំមុខទេសចរអន្តរជាតិដល់ឆ្នាំ ២០២០

ជាតិ

ភ្ញៀវទេសចរចិនមកកម្ពុជា នឹងបន្តនាំមុខទេសចរអន្តរជាតិដល់ឆ្នាំ ២០២០

07, Apr 2019 , 9:29 am

រូបភាព

ដោយ: សែម វណ្ណា (Sem Vanna)

ភ្នំពេញ៖ ក្រសួងទេសចរណ៍ បានព្យាករណ៍ពីកំណើនភ្ញៀវទេសចរចិននៅកម្ពុជា ថា នឹងមានកំណើនបន្តនាំមុខគេនៅឆ្នាំ ២០១៩ និង ២០២០។ នេះបើតាមការផ្សាយរបស់ក្រសួងទេសចរណ៍ កាលពីថ្ងៃទី ២ មេសា។

តាមរយៈការព្យាករណ៍ ក្នុងឆ្នាំ២០១៩នេះ កម្ពុជាអាចនឹងទទួលបានភ្ញៀវទេសចរអន្តរជាតិចំនួន ៦,៧លាននាក់ ក្នុងនោះភ្ញៀវទេសចរចិនចំនួន ២,៦លាននាក់។ នៅឆ្នាំ ២០២០ កម្ពុជាអាចនឹងទទួលបានភ្ញៀវទេសចរអន្តរជាតិចំនួនជាង ៧លាននាក់ ហើយទេសចរចិន ៣លាន នាក់ ។

កាលពីឆ្នាំ២០១៨ កន្លងទៅនេះ កម្ពុជាទទួលបានទេសចរអន្តរជាតិសរុបចំនួន ៦,២លាននាក់ កើនឡើងជិត ១១ ភាគរយ ហើយក្នុងនោះភ្ញៀវទេសចរចិនមានប្រមាណ ២លាននាក់ ក្នុងកំណើន ៦៧.២ ភាគរយឈរក្នុងលំដាប់លេខ១ នៃចំនួនភ្ញៀវទេសចរអន្តរជាតិ មកកម្សាន្តនៅកម្ពុជា៕