ជាតិ
សង្គមជាតិ
ឃាតករដែលសម្លាប់លោកយាយអាយុ៦៥ឆ្នាំ និងចៅស្រី ត្រូវសមត្ថកិច្ចឃាត់ខ្លួន រូបភាពពីទំព័រហ្វេសប៊ុករដ្ឋបាលខេត្តកំពង់ចាម
× នៅថ្ងៃទី ៦ ខែមេសានេះ សមត្ថកិច្ច បានឃាត់ខ្លួនឃាតករ ដែលបានសម្លាប់ លើលោកយាយអាយុ៦៥ឆ្នាំ និងចៅស្រីអាយុ៦ឆ្នាំ កាលពីយប់ថ្ងៃទី២ មេសាកន្លងទៅ។ ទំព័រហ្វេសប៊ុករដ្ឋបាលខេត្តកំពង់ចាម បានសរសេរដូច្នេះ៖«ករណីឃាតកម្ម កាត់ក្បាល យាយ និងចៅ ត្រូវបានសមត្ថកិច្ច បង្ក្រាបបានហើយ»។ ប្រភពដដែល បញ្ជាក់ថាយ៉ាងខ្លីថា ឃាតកម្មនេះកើតឡើងដោយសារគំនុំ។
សូមបញ្ជាក់ថា កាលពីថ្ងៃទី៣ ខែមេសាកន្លងទៅ ពលរដ្ឋបានប្រទះឃើញសាកសព ជនរងគ្រោះទាំង២នាក់ដែលមានតែដងខ្លួន នៅខាងក្រោយផ្ទះចម្ងាយប្រមាណ៣៥០ម៉ែត្រ ដែលឃាតករ យកទៅទុកចោល នៅភូមិក្នុងទួលថ្ម ឃុំថ្មពូន ស្រុកព្រៃឈរ ខេត្ត កំពង់ចាម។ សមត្ថកិច្ចសន្និដ្ឋានថា ឃាតកម្ម គឺកើតឡើងនៅ យប់ថ្ងៃទី២ ខែមេសា ឆ្នាំ២០១៩៕
© រក្សាសិទ្ធិដោយ thmeythmey.com