-ឈើ ឈរជាម្លប់ទប់កំដៅ ឈើ ស្រាយ ខ្លឹមខ្មៅកោងវៀចត្រង់
ឈើ អាចកែច្នៃជាកាំ កង់ ឈើ អាចសាងសង់បានច្រើនមុខ។
-ឈើ អាចធ្វើទូកតុទូតាំង ឈើ អាចដាប់ចាំងឆ្លាក់លកលុក
ឈើ ធ្វើរនាបទាំងរនុក ឈើ ល្អមិនពុកចាស់សង់ស្ពាន។
-ឈើ អាចសង់ផ្ទះស្អាតប្រណីត ឈើ ខ្លឹមខ្លះបិទក្នុងវិមាន
ឈើ ខ្លះផ្តល់ផ្លែបំបាត់ឃ្លាន ឈើ ជួយក្រមានមិនរើសអើង។
-ឈើ ជាជម្រកមនុស្សសត្វ ឈើ ជួយទប់ស្កាត់កំដៅឡើង
ឈើ ជួយអូហ្សូនមិនឲ្យស្តើង ឈើ ជួយតម្កើងផ្ទៃបៃតង។
-ឈើ ជួយទប់ស្កាត់ការហូរច្រោះ ឈើ ផ្តល់សម្រស់ស្រស់គ្មានហ្មង
ឈើ ជួយផ្សើមដីផ្តល់ជីផង ឈើ ជារបងខណ្ឌសីមា។
-ឈើ ខ្លះជាថ្នាំយ៉ាងស័ក្តិសិទ្ធិ ឈើ ព្រៃបើគិតពិតអស្ចារ្យ
ឈើ យើងរួមដាំឈប់កាប់ឆ្ការ ឈើ នឹងរក្សាភពផែនដី។
-ឈើ ដុះជាប់ដានដោយជីវិត ឈើ យើងរួមគិតឈប់ធ្វើហី
ឈើ ចាស់រក្សាថែមដាំថ្មី ឈើ ជួយប្រុសស្រីទៅថ្ងៃក្រោយ៕