ជាតិ
សង្គមជាតិ
បេក្ខជន៣២នាក់ ប្រឡងជាប់ជាចៅក្រមនិងព្រះរាជអាជ្ញា តែត្រូវធ្វើការនៅក្រសួងយុត្តិធម៌៥ឆ្នាំសិន
លោក ជិន ម៉ាលីន អ្នកនាំពាក្យក្រសួងយុត្តិធម៌
×![]()
ដោយ: ឡាយ សុភាវតី
ក្រសួងយុតិ្តធម៌ បានជ្រើសរើសផ្ទៃក្នុងចៅក្រមនិងព្រះរាជអាជ្ញាលើកដំបូង ហើយមានបេក្ខជន៣២នាក់ (ស្រី៥នាក់) ដែលប្រឡងជាប់។ បេក្ខជនដែលជាប់ នឹងត្រូវបម្រើការងារជាព្រះរាជអាជ្ញា៥ឆ្នាំនៅក្រសួងយុតិ្តធម៌ រួចទើបមានការបែងចែកទៅជាចៅក្រមឬព្រះរាជអាជ្ញាតាមសាលាដំបូង។ នេះបើតាមអ្នកនាំពាក្យក្រសួងយុតិ្តធម៌ ដែលដែលប្រាប់សារព័ត៌មានថ្មីៗតាមទូរស័ព្ទ។ 
លោក ជិន ម៉ាសីន អ្នកនាំពាក្យក្រសួងយុតិ្តធម៌ បានអះអាងថា «បេក្ខជន៣២នាក់ ដែលជាប់ក្នុងការប្រឡងប្រជែងផ្ទៃក្នុងជ្រើសរើសចៅក្រមនិងព្រះរាជអាជ្ញា នឹងចូលបម្រើការងារជាព្រះរាជអាជ្ញារយៈពេល៥ឆ្នាំនៅក្រសួងយុត្តិធម៌។ បន្ទាប់ពីរយៈពេល៥ឆ្នាំ បេក្ខជនទាំង៣២ ទើបត្រូវបែងចែកទៅតាមបណ្ដាលខេត្តរាជធានីជាចៅក្រមឬព្រះអាជ្ញា»។
លោក ជិន ម៉ាលីន បានបញ្ជាក់ឲ្យដឹងថា ការប្រឡងជ្រើសរើសផ្ទៃក្នុងនេះ គឺជាការជ្រើសរើសមន្ត្រីរាជការ រួមមានក្រសួងយុត្តិធម៌ និងមេធាវី ដែលមានបទពិសោធន៍ផ្នែកច្បាប់រួចមកហើយ។ សម្រាប់ការប្រឡងនេះ ជាការប្រឡងលើកទីមួយ ដែលមានការប្រឡងពីរដំណាកកាល គឺវិញ្ញាសាសរសេរ និងសួរផ្ទាល់មាត់៕
Tag:
ចៅក្រម
ព្រះរាជអាជ្ញា
© រក្សាសិទ្ធិដោយ thmeythmey.com
