កម្ពុជា នឹងមានភ្លៀងធ្លាក់ចាប់ពីថ្ងៃទី១២-១៧ មេសា ក្នុងក្របខណ្ឌទូទាំងប្រទេស

ជាតិ

កម្ពុជា នឹងមានភ្លៀងធ្លាក់ចាប់ពីថ្ងៃទី១២-១៧ មេសា ក្នុងក្របខណ្ឌទូទាំងប្រទេស

10, Apr 2019 , 3:44 pm

រូបភាព

រូបបានពីហ្វេសប៊ុកក្រសួងធនធានទឹក និងឧតុនិមយ

ដោយ: ថ្មីៗ

ភ្នំពេញ៖ នៅថ្ងៃទី១០ និងទី១១ មេសា អាកាសធាតុកម្ពុជានឹងហក់ឡើងបន្តិចក្នុងកម្រិត ៣៦-៣៩អង្សា ដោយសារ ជ្រលងសម្ពាធទាបដែលបានអូសបន្លាយលើប្រទេសកម្ពុជា មានលក្ខណៈថយចុះ។ បាតុភូតនេះ ក៏ធ្វើឲ្យបរិមាណទឹកភ្លៀង អាចមានក្នុងកម្រិតតិចតួចដែរ។ នេះបើតាមសេចក្តីជូនដំណឹងពីស្ថានភាពអាកាសធាតុ របស់ក្រសួងធនធានទឹក និងឧតុនិយម។

ដោយឡែក ចាប់ពីថ្ងៃទី ១២-១៧ មេសា កម្ពុជានឹងទទួលឥទ្ធិពល នៃសម្ពាធទាបដែលកើតមកពីសមុទ្រចិនខាងត្បូង ជាហេតុធ្វើឲ្យមានភ្លៀងធ្លាក់បន្ត ពីកម្រិតខ្សោយទៅបង្គួរ ក្នុងក្របខណ្ឌទូទាំងប្រទេស។ នេះបើតាមសេចក្តីជូនដំណឹងដដែល។ ក្រសួងជំនាញនេះ ក៏អំពាវនាវឲ្យសាធារណជន ប្រុងប្រយ័ត្នចំពោះបាតុភូត ផ្គរ រន្ទះ ពិសេសខ្សល់កន្ត្រាក់ផងដែរ។ ទន្ទឹមនឹងនោះ ក្រសួងធនធានទឹក ក៏ស្នើពលរដ្ឋឲ្យយកចិត្តទុកដាក់ ថែរក្សាទឹកទុកប្រើប្រាស់ផងដែរ ព្រោះរដូវវស្សានៅមានរយៈពេលមួយវែងបង្គួរ គួបផ្សំនឹងកម្តៅក្តៅ និងរំហួតខ្ពស់៕