អត្ថបទពាណិជ្ជកម្ម
×![]()
ភ្នំពេញកាលពីថ្ងៃទី៩ ខែមេសា ឆ្នាំ២០១៩ កន្លងទៅនេះ សៀវភៅដែលជាស្នារដៃទី៦ របស់លោកវេជ្ជបណ្ឌិត គួច ម៉េងលី បានដាក់សម្ពោធជាផ្លូវការ នៅឯ Monument Book ក្រោមវត្តមានរបស់ លោកផ្ទាល់ លោកឱពុក អ្នកម្ដាយរបស់លោក និងភ្ញៀវកិត្តិយសជាច្រើនផ្សេងទៀត។ «គំនិតរកស៊ី គួច ម៉េងលី» គឺជាប្រភេទសៀវភៅកម្រងបណ្ដុំទស្សនៈ ស្ដីពីគំនិរកស៊ីដែលយើងងាយនឹងអនុវត្តនៅក្នុងជិវីតរស់នៅប្រចាំថ្ងៃ។
កម្រងបណ្ដុំគំនិតទាំងអស់នោះដែរ រួមបញ្ចូលនូវបទពិសោធជាច្រើន ដែលស្ដែងពីការអនុវត្តផ្ទាល់ដៃ នៃជិវិតការងាររបស់អ្នកនិពន្ធផ្ទាល់។ សៀវភៅស្នាដៃទី ៦នេះដែរ បង្ហាញឲ្យឃើញពីទ្រឹស្ដី នៃកាអនុវត្តផ្ទាល់ខ្លួនក្នុងជីវិតជាធុរកិច្ច (ជាគំនិត ជាទស្សនទាន ជាយោបល់ ការយល់ឃើញ និងបទពិសោធន៍របស់លោកវេជ្ជបណ្ឌិត គួច ម៉េងលី ក្នុងនាមជាធុរកិច្ចជនវិស័យអប់រំឈានមុខគេនៅកម្ពុជា)។ សៀវភៅ ក៏បង្ហាញផងដែរ ពីគំនិតយ៉ាងសម្បូបែប នៃយុទ្ធសាស្ត្រធ្វើជំនួញ ប្រកដោយនិរន្តរភាព ក្នុងនោះគឺផ្ដល់វិធីសាស្ត្រ និងគន្លឹះខ្លះៗ ក្នុងការលើទឹកចិត្ត ដើម្បីសម្រេចគោលដៅជីវិត មិនថាក្នុងអាជីពការងារ គ្រួសារ កាសិក្សា និងសហគមន៍ជាដើម។
លើសពីនេះ ក៏ម្នាក់ផ្នែកបណ្ដុះឲ្យមានភាពក្លាហាន រឹងមាំ មានឆន្ទៈ មនសិការ ការតស៊ូព្យាយាម ម្ចាស់ការ និងមិនប្រញាប់ចុះចាញ់ ចំពោះបញ្ហាចំពោះមុខ និងជំរុញឲ្យមានវប្បធម៌ចែករំលែក ដោយការបរិច្ចាគថវិកាដែលបានពីសង្គមទៅឲ្យសង្គមវិញផងដែរ។
លោក គួច ម៉េងលី បានមានប្រសាសន៍ក្នុងកម្មវិធីសម្ពោធសៀវភៅស្នាដៃទី៦ របស់ខ្លួនដូច្នេះថា៖«ការធ្វើជំនួញជូញដូរ គឺត្រូវត្រៀមលក្ខណៈជាមុន ហើយការត្រៀមលក្ខណៈធ្វើអាជីវកម្ម មានន័យថា មុនពេលបើកអាជីវកម្មអ្វីមួយ ត្រូវសួរខ្លួនឯងថា ចង់ធ្វើជំនួញអ្វី ហើយគួរត្រៀមអ្វីខ្លះ ពោលអ្នកជំនួញមិនត្រូវរកស៊ីតាមតែថ្ងៃលិច ថ្ងៃរះនោះទ្បើយ»។
គួររំលឹកផងដែរថា សៀវភៅ «គំនិតរកស៊ី គួច ម៉េងលី» នេះមានកម្រាស់ ៣៤៦ ទំព័រ បោះពុម្ពលើកទី១ ចំនួន ៣០០០ ក្បាល ហើយថវិកាដែលបានមកពីការលក់សៀវភៅ នឹងបរិច្ចាគជូន មូលនិធិ ម៉េងលី ជេ. គួច៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
