ធនាគារអភិវឌ្ឍន៍ជនបទ នឹងប្ដូរមកជា«ធនាគារអភិវឌ្ឍន៍ជនបទ និងកសិកម្ម» ដែលជាធនាគារពាណិជ្ជ

ជាតិ

សេដ្ឋកិច្ច

ធនាគារអភិវឌ្ឍន៍ជនបទ នឹងប្ដូរមកជា«ធនាគារអភិវឌ្ឍន៍ជនបទ និងកសិកម្ម» ដែលជាធនាគារពាណិជ្ជ

11, Apr 2019 , 8:59 am

រូបភាព

ដោយ:

ភ្នំពេញ៖ រដ្ឋាភិបាលបានយល់ព្រមរួចហើយក្នុងការប្រែក្លាយធនាគារអភិវឌ្ឍន៍ជនបទ ពីធនាគារឯកទេស មកជាធនាគារពាណិជ្ជ ហើយដាក់ឈ្មោះថ្មីថា ធនាគារអភិវឌ្ឍន៍ជនបទ និងកសិកម្ម។ ការផ្លាស់ប្ដូរនេះ នឹងអនុញ្ញាតឲ្យធនាគារនេះបំពេញមុខងារបី គឺផ្ដល់ឥណទាន ទូទាត់ប្រាក់ និងទទួលប្រាក់បញ្ជើ។ លោក កៅ ថាច អគ្គនាយកធនាគារអភិវឌ្ឍន៍ជនបទ (RDB) អះអាងថា ធនាគាររបស់រដ្ឋមួយនេះនឹងដើរតួនាទីកាន់តែសំខាន់ក្នុងវិស័យកសិកម្មរបស់កម្ពុជា តាមរយៈការត្រៀមទុនសម្រាប់បញ្ចេញឥណទានច្រើនជាងមុន ការពង្រីកសាខា សេវាកម្មផ្សេងៗ។

សូមស្ដាប់កិច្ចសម្ភាសរវាងលោក ញ៉ុង ហេង នៃសារព័ត៌មានថ្មីៗ និងលោក កៅ ថាច អគ្គនាយកធនាគារអភិវឌ្ឍន៍ជនបទ ដូចទៅនេះ៖

លោក កៅ ថាច សង្កត់ធ្ងន់ថា ធគាររដ្ឋមួយនេះផ្តោតសំខាន់លើវិស័យកសិកម្ម ពិសេសការគាំទ្រសហគ្រាសធុនតូច និងមធ្យម (SME) ហើយធនារគារនេះនឹងនៅតែប្រឹងបំពេញមុខងារជាធនាគារគោលនយោបាយ។ លោកបន្ថែមថា RDB ដើរតួនាទីដូចជាស្ពានចម្លងសម្រាប់ផ្នែកណាមួយដែលផុយស្រួលរបស់វិស័យកសិកម្ម។ ផ្នែកណាដែលជួបបញ្ហាទីផ្សារ ហើយដែលវិស័យឯកជនខ្លាចហានិភ័យក្នុងការបញ្ចេញឥណទាន ធនាគាររដ្ឋនេះព្យាយាមបញ្ចេញប្រាក់កម្ចីសម្រាប់ស្រោចស្រង់ស្ថានភាពនោះវិញ។ ព្រមជាមួយគ្នានេះ លោក កៅ ថាច ឲ្យដឹងផងដែរថា កញ្ចប់ថវិកាពិសេសរបស់រដ្ឋាភិបាល ៥០លានដុល្លារសម្រាប់វិស័យស្រូវអង្ករ គឺនៅតែត្រូវបានទម្លាក់ដដែល ព្រោះថាវិស័យនេះមិនទាន់រឹងមាំនៅឡើយ ដែលចាំបាច់ត្រូវការថវិកាទំនុកបម្រុង៕