កំណាព្យ
ពីនេះ ពីនោះ
ជូនពរឆ្នាំថ្មី ឆ្នាំកុរ
×
បទកាកគតិ
ឆ្នាំ កុរ ឆ្នាំថ្មី នាំសុខសិរី
អ្វីៗឥតហ្មង ការងារកាក់កប
ស្របតាមបំណង ល្អូកល្អឺនអឺងកង
បងប្អូនសន្ដាន ។
ឆ្នាំ ច ចេញផុត កុរ បរិសុទ្ធ
លំអុតលំអាន អាក្រក់សូន្យសាប
បាបអម្បាលម៉ាន មិនមករំខាន
សុខសាន្តសួស្ដី ។
ចរចេញជិតឆ្ងាយ សុវត្ថិចិត្តកាយ
សាយសុសសព្វដី ជួបជោគមង្គល
លែងវល់លោកីយ៍ សព្វយ៉ាងអប្រិយ
ឆ្នាំថ្មីកម្ចាត់ ។
សូរតែក្អាកក្អាយ សម្បូរណ៍សប្បាយ
សម្បើមសម្បត្តិ សម្បុកស្ដុកស្ដម្ភ
ក្រៀមក្រំផាយផាត់ សុខទាំងសព្វសត្វ
ខ្ចាយខ្ចាត់សោយសោក !!!
© រក្សាសិទ្ធិដោយ thmeythmey.com