អត្ថបទពាណិជ្ជកម្ម
Pi Pay អបអរដល់សហគ្រិនស្ត្រីកម្ពុជា ដែលបានបញ្ចប់វគ្គសិក្សាពីកម្មវិធី SHE Investment Accelerator ឆ្នាំ២០១៩
×![]()
ភ្នំពេញ ថ្ងៃទី១២ ខែមេសា ឆ្នាំ២០១៩៖ សូមចូលរួមអបអរសាទរដល់ក្រុមហ៊ុនអាជីវកម្មទើបបង្កើតថ្មី Kokopon របស់កម្ពុជា សម្រាប់ការបញ្ចប់វគ្គបណ្តុះបណ្តាល លើកម្មវិធី SHE Investment Accelerator (អ្នកអភិវឌ្ឍអាជីវកម្មជាស្ត្រី) ឆ្នាំ២០១៩។ ពេលនេះ ក្រុមហ៊ុនទើបបង្កើតថ្មីនេះ នឹងទទួលបានការជួយឧបត្ថម្ភ ទៅលើតម្លៃសេវាចុះឈ្មោះអាជីវកម្មពី ផាយ ផេ (Pi Pay) ដែលជាក្រុមហ៊ុនផ្តល់សេវាទូទាត់ ដោយមិនប្រើក្រដាសប្រាក់ឈានមុខគេនៅក្នុងប្រទេសកម្ពុជា។
ម្ចាស់សហគ្រាសខ្នាតតូច និងមធ្យមជាស្ត្រីចំនួន១៣នាក់ បានចូលរួមក្នុងពិធីអបអរសាទរលើការបញ្ចប់ការសិក្សារបស់ខ្លួន នៅស្ថានទូតចក្រភពអង់គ្លេសប្រចាំនៅកម្ពុជា ក្រោយស្ថានទូតមួយនេះ បានចូលរួមគាំទ្រកម្មវិធី SHE Investment Accelerator ឆ្នាំ២០១៩។
អ្នកស្រីលឹម លីដា សហស្ថាបនិករបស់កម្មវិធី SHE Investments បានបញ្ជាក់ថា កម្មវិធីសិក្សាដែលមានរយៈពេល៦ខែ និងបានផ្តល់ការសិក្សាដល់សិក្ខាកាមលើ ជំនាញដំណើរការគ្រប់គ្រងអាជីវកម្ម ការគ្រប់គ្រងធនធានមនុស្ស និងហិរញ្ញវត្ថុ ការកំណត់គោលដៅ ការរៀបចំផែនការសកម្មភាព និងផែនការយុទ្ធសាស្ត្រអាជីវកម្មផងដែរ។ សិក្ខាកាម ក៏ទទួលបានជំនាញផ្សេងៗ ការជួបឧបត្ថម្ភគាំទ្រ និងឱកាសនានានៅកម្ពុជាដែរ។
អ្នកស្រី លឹម លីដា បានឲ្យដឹងថា៖«ខ្ញុំបន្តមានការភ្ញាក់ផ្អើលទៅលើគុណភាព និងថាមពលរបស់ស្ត្រី ដែលយើងធ្វើកាជាមួយ នៅ SHE Investments ហើយខ្ញុំពិតជារំភើបណាស់ ក្នុងការជួយដល់ស្ត្រីទាំងនោះ លើដំណើរអាជីវកម្មរបស់ពួកគាត់។ Kokopon បានធ្វើឲ្យយើងចាប់អារម្មណ៍លើការអភិវឌ្ឍរបស់ក្រុមហ៊ុននេះ និងកម្រិតដែលក្រុមហ៊ុន បានធ្វើសកម្មភាពស្របតាមដំបូន្មានផ្សេងៗ ដើម្បីអភិវឌ្ឍគំនិតរបស់ពួកគេ ហើយយើងប្រាកដចិត្តថា ពួកគេនឹងអភិវឌ្ឍទៅមុខដ៏ឆ្ងាយ»។
ក្រុមហ៊ុន Kokopon នឹងផ្តល់ការបញ្ចុះតម្លៃលើផលិតផល និងសេវាផ្សេងៗ ដោយការធ្វើការងារជាមួយនឹងក្រុមហ៊ុនអាជីវកម្មជាច្រើន ដើម្បីជួយឲ្យក្រុមហ៊ុនទាំងនោះ បង្កើនការលក់របស់ពួកគេ តាមរយៈការទទួលបានអតិថិជនកាន់តែច្រើន ក្រោមជំនួយផ្នែកទីផ្សារ លើផលិតផលផ្សេងៗដែលស្ថិតក្នុងការប្រម៉ូសិន។ តាមរយៈការចូលរួមសិក្សាក្នុងកម្មវិធីសិក្សា SHE Accelerator អ្នកស្រីណេង សុខនាង ម្ចាស់ក្រុមហ៊ុនអាជីវកម្ម Kokopon បានសហការជាមួយម្ចាស់អាជីវកម្មជាស្ត្រីច្រើននាក់ផ្សេងទៀត ដើម្បីផ្តល់ឲ្យម្ចាស់អាជីវកម្មទាំងនោះ ទទួលបាននូវសេវាផ្សេងៗ ដូចជាក្រុមហ៊ុនអាជីវកម្មលក់ផលិតផលថែរក្សាសម្ភស្សធម្មជាតិ ដៃខ្មែរ (Dai Khmer) ជាដើម។
កញ្ញា Kelly Ch’ng ប្រធានផ្នែកទំនាក់ទំនង និងទីផ្សាររបស់ក្រុមហ៊ុន ផាយ ផេ បានពន្យល់ថា ការឧបត្ថម្ភគាំទ្រលើការចុះបញ្ជីអាជីវកម្មរបស់ក្រុមហ៊ុន Kokopon បង្ហាញពីការគាំទ្រឥតឈប់ឈររបស់ក្រុមហ៊ុន ផាយ ផេ ទៅលើការងាររបស់កម្មវិធី SHE Investments ជាមួយនឹងអាជីវករជាស្ត្រីកម្ពុជា។ កញ្ញា Kelly Ch’ng បញ្ជាក់ថា៖«ផាយ ផេ ពិតជាមានមោទនភាពណាស់ ក្នុងការធ្វើការជាមួយនឹង SHE Investments ក្នុងកិច្ចការងារដ៏សំខាន់ របស់ពួកគេជាមួយនឹងអាជីវកម្ម ដែលមានម្ចាស់កម្មសិទ្ធិជាស្ត្រី និងដឹកនាំដោយស្ត្រីនៅកម្ពុជា។ យើងធ្វើការជាមួយពាណិជ្ជករធំ និងតូចទូទាំងកម្ពុជា ទៅលើដំណោះស្រាយទូទាត់មិនប្រើក្រដាសប្រាក់ ខណៈដែលដំណោះស្រាយទាំងនេះ ឆ្លើយតបទៅនឹងតម្រូវការឌីជីថល ដែលកំពុងតែកើនឡើងរបស់កម្ពុជា។ ខ្ញុំពិតជារំភើបណាស់ក្នុងការឃើញពីមហិច្ឆតា និងទស្សនវិស័យរបស់ក្រុមអ្នកដែលបញ្ចប់ការសិក្សាលើកម្មវិធីនេះ។ ខ្ញុំសូមជូនពរឲ្យពួកគាត់ជួបតែសំណាងល្អបំផុត មួយនឹងអាជីវកម្មដែលកំពុងតែមានការរីកចម្រើនរបស់ពួកគាត់»។
អ្នកស្រី សុខ នាង សហស្ថាបនិករបស់ក្រុមហ៊ុន Kokopon បានបញ្ជាក់ថា ដំណើរការនៃការចុះបញ្ជីអាជីវកម្ម ជាធម្មតាចំណាយពេលអស់ជាច្រើនខែ និងចំណាយប្រាក់រាប់ពាន់ដុល្លារ។ ហេតុនេះការគាំទ្ររបស់ក្រុមហ៊ុន ផាយ ផេ គឺជាការឧបត្ថម្ភដ៏ធំមួយ។ អ្នកស្រីបញ្ជាក់ដូច្នេះ៖ «វាពិតជាអស្ចារ្យណាស់ ក្នុងការឃើញក្រុមហ៊ុនមួយរបស់កម្ពុជា ចូលរួមគាំទ្រសហគ្រាសខ្នាតតូច និងមធ្យម ដែលដឹកនាំដោយស្ត្រី ដូចជាយើង។ ជាពិសេស ក្រោយពីការខិតខំព្យាយាមរបស់អ្នកចូលរួមក្នុងកម្មវិធីអភិវឌ្ឍអាជីវកម្មមួយនេះ។ យើងរង់ចាំមើលការរីកចម្រើនរបស់ Kokopon ហើយខ្ញុំសូមថ្លែងអំណរគុណ ដល់ក្រុមហ៊ុន ផាយ ផេ កម្មវិធី SHE Investments និងស្ថានទូតចក្រភពអង់គ្លេស ដែលបានជួយយើងក្នុងដំណើរអាជីវកម្មរបស់យើង»។
ក្រុមហ៊ុន ផាយ ផេ បានសហការជាមួយនឹងកម្មវិធី SHE Investments ចាប់តាំងពីឆ្នាំ២០១៧មកម្ល៉េះ ដើម្បីជួយលើកស្ទួយដល់អាជីវកម្ម ដែលដឹកនាំដោយស្ត្រីនៅកម្ពុជា ហើយស្ត្រីដ៏អស្ចារ្យជាច្រើននាក់កំពុងតែដំណើរការអាជីវកម្មរបស់ខ្លួន៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
