ជាតិ
មិនចាញ់អ្នកក្រុងសៀមរាប «បន្ទាយស្រីសង្ក្រាន្ត» មានស្ករផែនយក្ស ត្រសក់ផ្អែម ស្មុគ និងល្បែងជិះកង់ធ្លាក់ទឹក
×![]()
សៀមរាប៖ ក្រៅពីរៀបចំពិធីធំនៅទីរួមខេត្តហើយ ក្នុងនោះស្រុកបន្ទាយស្រីរបស់ខេត្តសៀមរាប ក៏បានរៀបចំ «បន្ទាយស្រីសង្ក្រាន្ត» ផងដែរ។ ឆ្នាំដំបូងរបស់បន្ទាយស្រីសង្ក្រាន្ត មានកម្មវិធីចម្រុះ និងប្លែក ពីតំបន់ដទៃ ក្នុងនោះមានការតាំងបង្ហាញ ស្ករផែនយក្សដែលមានទម្ងន់ជាងមួយគីឡូក្រាម ផ្លែត្រសក់ផ្អែមចងបន្តោងតាមច្រកនៃខ្លោងទ្វារ ចំនួន ៦០០ផ្លែ និងស្មុគជាង៤០០។ 
គណៈកម្មការរៀបចំ បន្ទាយស្រីសង្ក្រាន្ត និងជាប្រធានក្រុមផលិតស្ករផែនយក្ស លោក តូច ពលពណៈ បានឱ្យដឹងថា នេះជាឆ្នាំទីមួយ ដែលរដ្ឋបាលស្រុកបន្ទាយស្រី សហការជាមួយក្រុមយុវជនចុះជួយស្រុក រួមគ្នាបង្កើតព្រឹត្តិការណ៍នេះ ដើម្បីឱ្យមានភាពសប្បាយរីករាយក្នុងពិធីបុណ្យចូលឆ្នាំ។ លោកបន្តថា ហេតុផលដែលគណៈកម្មការជ្រើសរើសការផលិតស្ករផែនខ្នាតធំមកបង្ហាញក្នុងព្រឹត្តិការណ៍ខាងលើនេះ ព្រោះថាវាជាផលិតផលឬជាអត្ដសញ្ញាណរបស់អ្នកស្រុកបន្ទាយស្រី។
តាមការបញ្ជាក់របស់លោក តូច ពលពណៈ ស្ករផែនយក្សមានទំហំ ១,៦ម៉ែត្រ កម្ពស់ប្រហែល៣តឹក និងមានទម្ងន់ ១,០១០គីឡូក្រាម។ «តាមពិតយើងបានសន្សំស្ករ និងកូរទុកប្រហែល១០ថ្ងៃមកហើយ ឯការធ្វើស្ករផែនយក្សនេះ គឺធ្វើតែមួយថ្ងៃទេ ដែលយើងបានកូររួមគ្នាប្រហែល២០ខ្ទះ ចាក់សរុបកាលពីថ្ងៃទី១០ នេះជាផលិតផលដែលចេញពីស្នាដៃរបស់យើងគ្រប់រូបនៅទីនេះ ដើម្បីផ្សព្វផ្សាយផលិតពីដើមត្នោត និងអត្ថប្រយោជន៍ត្នោតដែលជារុក្ខជាតិតំណាងឱ្យជាតិ»។ នេះជាការបញ្ជាក់បន្ថែមរបស់លោក តូច ពលពណៈ។
ក្រៅពីស្ករផែន បន្ទាយស្រីសង្ក្រាន្តក៏មានត្រសក់ផ្អែម និងស្មុគ ដែលផលិតផលទាំងនេះសុទ្ធសឹងជារបស់សម្គាល់ភូមិសាស្ដ្ររបស់អ្នកស្រុកបន្ទាយស្រី។ ក្រៅពីនេះ បន្ទាយស្រីសង្ក្រាន្តក៏មានកម្មវិធីចម្រុះដទៃទៀតរួមមាន តំបន់ត្រជាក់ចិត្ត ល្បែងប្រជាប្រិយ ការសម្ដែងសិល្បៈ និងកម្មវិធីជិះកង់ធ្លាក់ទឹក ដែលកម្មវិធីនេះរៀបចំនៅបរិវេណវត្ត សិលាចារបន្ទាយស្រី ដែលស្ថិតនៅជិះប្រាសាទបន្ទាយស្រី។
លោក តូច ពលពណៈ រំពឹងថា ព្រឹត្តិការណ៍នេះនឹងទាក់ទាញភ្ញៀវទេសចរឱ្យចូលកម្សាន្ត និងបានស្គាល់ស្រុកបន្ទាយស្រីកាន់តែច្រើន ដ្បិតថាកន្លងមក ភ្ញៀវទេសចរមួយចំនួនបានរំលងស្រុកនេះ ដោយធ្វើដំណើរហួសទៅតំបន់ភ្នំគូលេន ឬក្បាលស្ពាន។ល៕
គណៈកម្មការរៀបចំ បន្ទាយស្រីសង្ក្រាន្ត និងជាប្រធានក្រុមផលិតស្ករផែនយក្ស លោក តូច ពលពណៈ បានឱ្យដឹងថា នេះជាឆ្នាំទីមួយ ដែលរដ្ឋបាលស្រុកបន្ទាយស្រី សហការជាមួយក្រុមយុវជនចុះជួយស្រុក រួមគ្នាបង្កើតព្រឹត្តិការណ៍នេះ ដើម្បីឱ្យមានភាពសប្បាយរីករាយក្នុងពិធីបុណ្យចូលឆ្នាំ។ លោកបន្តថា ហេតុផលដែលគណៈកម្មការជ្រើសរើសការផលិតស្ករផែនខ្នាតធំមកបង្ហាញក្នុងព្រឹត្តិការណ៍ខាងលើនេះ ព្រោះថាវាជាផលិតផលឬជាអត្ដសញ្ញាណរបស់អ្នកស្រុកបន្ទាយស្រី។
តាមការបញ្ជាក់របស់លោក តូច ពលពណៈ ស្ករផែនយក្សមានទំហំ ១,៦ម៉ែត្រ កម្ពស់ប្រហែល៣តឹក និងមានទម្ងន់ ១,០១០គីឡូក្រាម។ «តាមពិតយើងបានសន្សំស្ករ និងកូរទុកប្រហែល១០ថ្ងៃមកហើយ ឯការធ្វើស្ករផែនយក្សនេះ គឺធ្វើតែមួយថ្ងៃទេ ដែលយើងបានកូររួមគ្នាប្រហែល២០ខ្ទះ ចាក់សរុបកាលពីថ្ងៃទី១០ នេះជាផលិតផលដែលចេញពីស្នាដៃរបស់យើងគ្រប់រូបនៅទីនេះ ដើម្បីផ្សព្វផ្សាយផលិតពីដើមត្នោត និងអត្ថប្រយោជន៍ត្នោតដែលជារុក្ខជាតិតំណាងឱ្យជាតិ»។ នេះជាការបញ្ជាក់បន្ថែមរបស់លោក តូច ពលពណៈ។
ក្រៅពីស្ករផែន បន្ទាយស្រីសង្ក្រាន្តក៏មានត្រសក់ផ្អែម និងស្មុគ ដែលផលិតផលទាំងនេះសុទ្ធសឹងជារបស់សម្គាល់ភូមិសាស្ដ្ររបស់អ្នកស្រុកបន្ទាយស្រី។ ក្រៅពីនេះ បន្ទាយស្រីសង្ក្រាន្តក៏មានកម្មវិធីចម្រុះដទៃទៀតរួមមាន តំបន់ត្រជាក់ចិត្ត ល្បែងប្រជាប្រិយ ការសម្ដែងសិល្បៈ និងកម្មវិធីជិះកង់ធ្លាក់ទឹក ដែលកម្មវិធីនេះរៀបចំនៅបរិវេណវត្ត សិលាចារបន្ទាយស្រី ដែលស្ថិតនៅជិះប្រាសាទបន្ទាយស្រី។
លោក តូច ពលពណៈ រំពឹងថា ព្រឹត្តិការណ៍នេះនឹងទាក់ទាញភ្ញៀវទេសចរឱ្យចូលកម្សាន្ត និងបានស្គាល់ស្រុកបន្ទាយស្រីកាន់តែច្រើន ដ្បិតថាកន្លងមក ភ្ញៀវទេសចរមួយចំនួនបានរំលងស្រុកនេះ ដោយធ្វើដំណើរហួសទៅតំបន់ភ្នំគូលេន ឬក្បាលស្ពាន។ល៕
Tag:
បន្ទាយស្រី
សង្ក្រាន្ត
© រក្សាសិទ្ធិដោយ thmeythmey.com
