ជាតិ
ស្នងការរង៖ កម្លាំងជាង១៥០០នាក់ការពារសុវត្ថិភាព និងសម្រួលចរាចរណ៍ក្នុង «សៀមរាបសង្ក្រាន្ត»
លោក ហួត សុធី ស្នងការរងទទួលបន្ទុកផែនសណ្ដាប់ធ្នាប់នៃស្នងការដ្ឋាននគរបាលខេត្តសៀមរាប
×![]()
សៀមរាប៖ សៀមរាបសង្ក្រាន្តរបស់ខេត្តសៀមរាប ប្រារព្ធធ្វើចាប់ពីថ្ងៃទី១៤ ដល់ថ្ងៃទី១៦ ខែមេសា នៅជុំវិញបរិវេណសួនច្បារព្រះរាជដំណាក់ និងក្រោយទីសក្ការៈព្រះអង្គចេកព្រះអង្គចម។ ជាធម្មតា រាល់ពិធីបុណ្យទានសំខាន់ៗ តែងមានមនុស្សម្នា ក៏ដូចជាទេសចរច្រើនកកកុញនៅតំបន់ទាំងនោះ។ ដើម្បីសម្រួលចរាចរណ៍ ក៏ដូចជាការពារសុវត្ថិភាព រដ្ឋបាលខេត្តសៀមរាបបានត្រៀមកម្លាំងចម្រុះ សម្រាប់ការពារតំបន់ជុំវិញការប្រារព្ធពិធី។ សម្រាប់សៀមរាបសង្ក្រាន្ត កងកម្លាំងចម្រុះសរុបជាង មួយពាន់នាក់ នឹងត្រូវដាក់ពង្រាយ។
លោក ហួត សុធី ស្នងការរងទទួលបន្ទុកផែនសន្ដិសុខនៃស្នងការដ្ឋាននគរបាលខេត្តសៀមរាប បានឱ្យដឹងថា កម្លាំងចម្រុះសរុបចំនួន ១,៥៣៤នាក់ បានត្រៀមតាមគោលដៅនីមួយៗសម្រាប់ការពារសន្ដិសុខ និងសណ្ដាប់ធ្នាប់ក្នុងព្រឹត្តិការណ៍សៀមរាបសង្ក្រាន្ត។ ក្នុងឱកាសបុណ្យចូលឆ្នាំនេះដែរ លោកស្នងការរងប្រាប់ឱ្យពលរដ្ឋទាំងអស់ ឱ្យមានការគោរពច្បាប់ចរាចរណ៍ បើកបរដោយមានការប្រុងប្រយ័ត្នខ្ពស់ គោរពតាមការណែនាំរបស់អាជ្ញាធរ ពិសេសប្រុងប្រយ័ត្នចំពោះភ្លើងទាននានា ដើម្បីបង្ការគ្រោះអគ្គីភ័យដែលអាចកើតជាយថាហេតុ។
ក្នុងឱកាសនៃការប្រារព្ធពិធីសៀមរាបសង្ក្រាន្តនេះដែរ រដ្ឋបាលខេត្តសៀមរាបតាមរយៈសេចក្ដីជូនដំណឹងចុះថ្ងៃទី១២ ខែមេសា ស្ដីពីការបិទផ្លូវសាធារណមួយចំនួនជុំវិញបរិវេណនៃការប្រារព្ធពិធីខាងលើនេះ។ ផ្លូវដែលនឹងត្រូវបិទចាប់ពីម៉ោង ៨ព្រឹក រហូតដល់ម៉ោង ១០យប់ ក្នុងនោះរួមមាន កំណាត់ផ្លូវជាតិលេខ៦ ចាប់ពីស្ដុកកោះកេរ្តិ៍ រហូតដល់ស្ដុបសណ្ឋាគារសុខាអង្គរ, ផ្លូវឧកញ៉ា អ៊ុំ ឆាយ ពីផ្លូវបំបែកខាងត្បូងផ្សារទំនើប ហេរីថេក ដល់មុខសណ្ឋាគារ វិចតូរីយ៉ា, ផ្លូវពោធិ៍កំបោរ មុខភោជនីយដ្ឋាន FCC, ផ្លូវលេខ១ មុខមហាសណ្ឋាគារអង្គរ, ផ្លូវខាងមុខនិងក្រោយព្រះអង្គចេកព្រះអង្គចម និងផ្លូវពីគល់ស្ពានថ្មអតីតមន្ទីរទេសចរណ៍ខេត្តលើផ្លូវស្របមាត់ស្ទឹងខាងកើត-លិច៕
លោក ហួត សុធី ស្នងការរងទទួលបន្ទុកផែនសន្ដិសុខនៃស្នងការដ្ឋាននគរបាលខេត្តសៀមរាប បានឱ្យដឹងថា កម្លាំងចម្រុះសរុបចំនួន ១,៥៣៤នាក់ បានត្រៀមតាមគោលដៅនីមួយៗសម្រាប់ការពារសន្ដិសុខ និងសណ្ដាប់ធ្នាប់ក្នុងព្រឹត្តិការណ៍សៀមរាបសង្ក្រាន្ត។ ក្នុងឱកាសបុណ្យចូលឆ្នាំនេះដែរ លោកស្នងការរងប្រាប់ឱ្យពលរដ្ឋទាំងអស់ ឱ្យមានការគោរពច្បាប់ចរាចរណ៍ បើកបរដោយមានការប្រុងប្រយ័ត្នខ្ពស់ គោរពតាមការណែនាំរបស់អាជ្ញាធរ ពិសេសប្រុងប្រយ័ត្នចំពោះភ្លើងទាននានា ដើម្បីបង្ការគ្រោះអគ្គីភ័យដែលអាចកើតជាយថាហេតុ។
ក្នុងឱកាសនៃការប្រារព្ធពិធីសៀមរាបសង្ក្រាន្តនេះដែរ រដ្ឋបាលខេត្តសៀមរាបតាមរយៈសេចក្ដីជូនដំណឹងចុះថ្ងៃទី១២ ខែមេសា ស្ដីពីការបិទផ្លូវសាធារណមួយចំនួនជុំវិញបរិវេណនៃការប្រារព្ធពិធីខាងលើនេះ។ ផ្លូវដែលនឹងត្រូវបិទចាប់ពីម៉ោង ៨ព្រឹក រហូតដល់ម៉ោង ១០យប់ ក្នុងនោះរួមមាន កំណាត់ផ្លូវជាតិលេខ៦ ចាប់ពីស្ដុកកោះកេរ្តិ៍ រហូតដល់ស្ដុបសណ្ឋាគារសុខាអង្គរ, ផ្លូវឧកញ៉ា អ៊ុំ ឆាយ ពីផ្លូវបំបែកខាងត្បូងផ្សារទំនើប ហេរីថេក ដល់មុខសណ្ឋាគារ វិចតូរីយ៉ា, ផ្លូវពោធិ៍កំបោរ មុខភោជនីយដ្ឋាន FCC, ផ្លូវលេខ១ មុខមហាសណ្ឋាគារអង្គរ, ផ្លូវខាងមុខនិងក្រោយព្រះអង្គចេកព្រះអង្គចម និងផ្លូវពីគល់ស្ពានថ្មអតីតមន្ទីរទេសចរណ៍ខេត្តលើផ្លូវស្របមាត់ស្ទឹងខាងកើត-លិច៕
© រក្សាសិទ្ធិដោយ thmeythmey.com
