ជាតិ
សេដ្ឋកិច្ច
CDC សម្រេចឱ្យក្រុមហ៊ុន២មានទុនជាង១០០លានដុល្លារ បង្កើតអាគារពាណិជ្ជកម្ម និងរោងចក្រកែច្នៃផ្លែឈើនៅត្បូងឃ្មុំ ទីស្នាក់ការកណ្តាលCDC នៅរាជធានីភ្នំពេញ
× ភ្នំពេញ៖ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា(CDC) បានអនុម័តនិងចុះបញ្ជីជាស្ថាពរដល់ក្រុមហ៊ុនKIM PICH DEVELOPMENT CO.,LTD និងក្រុមហ៊ុនLBN AGRICULTURE CO., LTD សាងសង់មជ្ឈមណ្ឌលពាណិជ្ជកម្ម និងបង្កើតរោងចក្រកែច្នៃផ្លែឈើនៅខេត្តត្បូងឃ្មុំ។ ក្រុមហ៊ុនទាំងពីរនេះ មានទុនវិនិយោគសរុប១០៩, ៩លានដុល្លារ។
យោងតាមហ្វេសប៊ុករបស់CDC នាថ្ងៃទី១២មេសា ឆ្នាំ២០១៩ ក្រុមហ៊ុនKIM PICH DEVELOPMENT មានទំហំវិនិយោគ៩៨លានដុល្លារ។ ក្រុមហ៊ុននេះ មានគម្រោងសាងសង់សណ្ឋាគារថ្នាក់ផ្កាយ៥ មជ្ឈមណ្ឌលពាណិជ្ជកម្ម ក្លឹបវាយកូនហ្គោល បឹងហ្គាឡូ ផ្ទះវីឡា រមណីយដ្ឋានទេសចរណ៍ សួនកំសាន្ត និងគម្រោងផ្សេងៗទៀត នៅផ្លូវជាតិលេខ៨ ភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ។
ដោយឡែកក្រុមហ៊ុនLBN AGRICULTURE គ្រោងបង្កើតរោងចក្រកែច្នៃផ្លែឈើ ដែលមានដំណាប់ស្វាយ, Sweet Mango Chutney, Mango Candy, Mango Squash, Mango Pickle...) នៅផ្លូវជាតិលេខ៧ ភូមិបេង ឃុំដារ ស្រុកមេមត់។ ក្រុមហ៊ុននេះមានទុនវិនិយោគប្រមាណ ១១,៩លានដុល្លារ។
តាមរយៈក្រុមហ៊ុនទាំងពីរនេះ នឹងផ្តល់ឱកាសការងារដល់ពលរដ្ឋនៅក្នុងតំបន់បានជាង១ពាន់កន្លែង។ បើតាមCDC៕
© រក្សាសិទ្ធិដោយ thmeythmey.com