អន្តរជាតិ
ជំនួបកំពូលលើកទី៣រវាងមេដឹកនាំអាមេរិក និងកូរ៉េខាងជើង នឹងកើតឡើងឆាប់ៗ?
×![]()
ប្រមុខការទូតអាមេរិក លោក Mike Pompeo បានថ្លែងជាមួយនឹងការជឿជាក់ថា ជំនួបកំពូលរវាងប្រធានាធិបតីអាមេរិក លោក Donald Trump និងមេដឹកនាំកំពូលកូរ៉េខាងជើង លោក Kim Jung Un លើកទីបី នឹងមាន។ ប្រមុខការទូតអាមេរិករូបនេះ បានអះអាងថា មេដឹកនាំកំពូលទាំងពីរ បានយល់ចិត្តគ្នាទៅវិញទៅមកកាន់តែច្រើន បន្ទាប់ពីបញ្ចប់ជំនួបលើកទីពីរនៅវៀតណាម។
តាមរយៈកិច្ចសម្ភាសន៍ជាមួយនឹងសារព័ត៌មាន CBS រដ្ឋមន្ត្រីការបរទេសអាមេរិក លោក Mike Pompeo បានអះអាងថា ការជជែក និងចរចារវាងអាមេរិកនឹងកូរ៉េខាងជើង នឹងនៅតែបន្ត ពោលគឺជំនួបលើកទីបីរវាងលោកប្រធានាធិបតី Donald Trump ជាមួយនឹងមេដឹកនាំកំពូលកូរ៉េខាងជើង Kim Jung Un នឹងកើតឡើង ជាពិតប្រាកដ។
តាមលោករដ្ឋមន្ត្រី មេដឹកនាំកំពូលប្រទេសទាំងពីរ បានស្វែងយល់ពីគ្នាកាន់តែស៊ីជម្រៅ និងកាន់តែទៅមុខ ដោយមិនខុសឆ្ងាយពីអ្វីដែលពិភពលោក ចង់ឃើញនោះទេ។ លោក ថែមទាំងបានបង្ហើបថា បន្ទាប់ពីជំនួបលើកទីពីររវាងមេដឹកនាំទាំងពីរនៅរដ្ឋធានីហាណូយ បានបញ្ចប់ ក្រុមការងារអ្នកការទូតទាំងពីរ ក៏បានមានកិច្ចសន្ទនាជាមួយនឹងគ្នាដើម្បីស្វែងរកលទ្ធភាពក្នុងការឆ្ពោះទៅមុខបន្តទៀត។
ទោះបីជា លោករដ្ឋមន្ត្រីរូបនេះ មិនអាចបញ្ជាក់ពីកាលបរិច្ឆេទ និងទីតាំងសម្រាប់ជំនួបកំពូលលើកទីបី បាននៅឡើយក៏ដោយនោះ លោករដ្ឋមន្ត្រី អាចហ៊ានអះអាងបានថា ជំនួបនេះ នឹងកើតឡើងនាពេលខាងមុខដ៏ខ្លីនេះ។
គួរជម្រាបផងដែរ ក្រោមការដឹកនាំរបស់មេដឹកនាំវ័យក្មេងលោក គីម ជុងអ៊ុន កូរ៉េខាងជើងប៉ុន្មានឆ្នាំចុងក្រោយនេះ ចាប់ផ្តើមលេចធ្លោខ្លាំងលើការអភិវឌ្ឍអាវុធនុយក្លេអ៊ែរ ដែលស្តែងចេញឡើងតាមរយៈការបាញ់សាកល្បងជាច្រើនលើកច្រើនសារ។ ជាលទ្ធផល កូរ៉េខាងជើង បានទទួលរងនូវការដាក់ទណ្ឌកម្មផ្នែកសេដ្ឋកិច្ច និងយោធាទាំងជារូបភាពឯកតោភាគី(ទណ្ឌកម្មពីរដ្ឋ) និងពហុភាគី (ទណ្ឌកម្មពីក្រុមប្រឹក្សាសន្តិសុខអង្គការសហប្រជាជាតិ) ដ្បិតសកម្មភាពកូរ៉េខាងជើង ត្រូវបានចាត់ទុកថាជាការគំរាមកំហែងសន្តិសុខ និងសន្តិភាពប្រទេសក្នុងតំបន់ និងពិភពលោក។
យ៉ាងណាមិញ ចាប់ពីឆ្នាំ២០១៨មក កូរ៉េខាងជើង បានចាប់ផ្តើមថមថយសកម្មភាពអភិវឌ្ឍ និងសាកល្បងអាវុធនុយក្លេអ៊ែររបស់ខ្លួន ខណៈដែលទណ្ឌកម្មរបស់សហគមន៍អន្តរជាតិសំដៅការហ៊ុមព័ទ្ធសេដ្ឋកិច្ចរបស់កូរ៉េខាងជើង ក៏កាន់តែច្រើនឡើងៗ និងធ្ងន់ធ្ងរទៅៗផងនោះ។ ឆ្នាំ២០១៨នោះហើយ ដែលជាចំណុចចាប់ផ្តើម នៃការងាកមករកតុចរចារវាងកូរ៉េខាងជើង និងអាមេរិក។
ជំនួបលើកទី១ មេដឹកនាំអាមេរិក និងកូរ៉េខាងជើង សម្រេចបានអ្វីខ្លះ?
សូមរម្លឹកបន្តិចថា នៅពាក់កណ្តាលឆ្នាំ២០១៨ ប្រធានាធិបតីអាមេរិក លោក ដូណាល់ ត្រាំ និងមេដឹកនាំកំពូលកូរ៉េខាងជើង លោក គីម ជុងអ៊ុន បានជួបគ្នាដោយផ្ទាល់ ក្នុងជំនួបលើកដំបូងនៅក្នុងទឹកដីរបស់សិង្ហបុរី។ ជំនួបពេលនោះ ផ្តោតសំខាន់លើការកាត់បន្ថយការគំរាមកំហែងសន្តិសុខ និងឈានដល់ការរំសាយអាវុធនុយក្លេអ៊ែរកូរ៉េខាងជើង។
ក៏ប៉ុន្តែជំនួបលើកដំបូង និងប្រវត្តិសាស្ត្រនេះ មិនបានឈានដល់ការព្រមព្រៀង និងឯកភាពគ្នាលើការរំសាយអាវុធនុយក្លេអ៊ែរជាក់លាក់ និងដុំកំភួននោះទេ។ ពោលគឺ វា គ្រាន់តែជាជំនួបដើម្បីស្វែងយល់ពីគ្នារបស់ប្រមុខកំពូលរបស់ប្រទេសទាំងពីរទាំងលក្ខណៈបុគ្គល និងគោលបំណងជារួមប៉ុណ្ណោះ។
ជំនួបលើកទី២ នៅហាណូយ នៃវៀតណាម សម្រេចបានអ្វីខ្លះ?
ក៏ប៉ុន្តែជំនួបលើកដំបូង និងប្រវត្តិសាស្ត្រនេះ មិនបានឈានដល់ការព្រមព្រៀង និងឯកភាពគ្នាលើការរំសាយអាវុធនុយក្លេអ៊ែរជាក់លាក់ និងដុំកំភួននោះទេ។ ពោលគឺ វា គ្រាន់តែជាជំនួបដើម្បីស្វែងយល់ពីគ្នារបស់ប្រមុខកំពូលរបស់ប្រទេសទាំងពីរទាំងលក្ខណៈបុគ្គល និងគោលបំណងជារួមប៉ុណ្ណោះ។
ជំនួបលើកទី២ នៅហាណូយ នៃវៀតណាម សម្រេចបានអ្វីខ្លះ?
បន្ទាប់ពីបានស្គាល់ចិត្ត ស្គាល់ថ្លើមគ្នាបានខ្លះហើយនោះ ប្រមុខដឹកនាំកំពូល បានឈានដល់ជំនួបលើកទី២ នៅក្នុងទឹកដីរបស់ប្រទេសអាស៊ានដដែល។ ជំនួបលើកទី២នោះ បានប្រព្រឹត្តទៅនៅខែកុម្ភៈ ឆ្នាំ២០១៩នេះ ក្នុងរដ្ឋធានីហាណូយ របស់វៀតណាម។
អ្វីដែលគួរឲ្យកត់សម្គាល់នោះ តាមរយៈជំនួបនេះ មេដឹកនាំទាំងពីរ នៅតែមិនទាន់អាចត្រូវរូវគ្នាបាន។ ហើយកាន់តែពិបាកយល់នោះ ប្រមុខដឹកនាំទាំងពីរ បានបញ្ចប់កិច្ចពិភាក្សាមុនពេលកំណត់ និងគ្មានសេចក្តីថ្លែងការណ៍រួមឡើយ។ ភាពចម្រូងចម្រាស់នេះ ផ្តើមចេញនៅពេលដែលកូរ៉េខាងជើង បានលើកសំណើឲ្យអាមេរិកដកទណ្ឌកម្ម ខណៈដែលអាមេរិក មិនទាន់ទុកចិត្តកូរ៉េខាងជើងលើការរំសាយអាវុធនុយក្លេអ៊ែរបានោះ៕
អ្វីដែលគួរឲ្យកត់សម្គាល់នោះ តាមរយៈជំនួបនេះ មេដឹកនាំទាំងពីរ នៅតែមិនទាន់អាចត្រូវរូវគ្នាបាន។ ហើយកាន់តែពិបាកយល់នោះ ប្រមុខដឹកនាំទាំងពីរ បានបញ្ចប់កិច្ចពិភាក្សាមុនពេលកំណត់ និងគ្មានសេចក្តីថ្លែងការណ៍រួមឡើយ។ ភាពចម្រូងចម្រាស់នេះ ផ្តើមចេញនៅពេលដែលកូរ៉េខាងជើង បានលើកសំណើឲ្យអាមេរិកដកទណ្ឌកម្ម ខណៈដែលអាមេរិក មិនទាន់ទុកចិត្តកូរ៉េខាងជើងលើការរំសាយអាវុធនុយក្លេអ៊ែរបានោះ៕
Tag:
អាមេរិក
កូរ៉េខាងជើង
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
