កីឡាជាតិ
ជាតិ
គួរឲ្យគោរព! វឌ្ឍនាកា ស៊ុតបញ្ចូលទីលើ Pahang ក្រុមចាស់របស់ខ្លួន តែគេមិនអបអរឡើយ
វឌ្ឍនាកា រកគ្រាប់បាល់នាំមុខសម្រាប់ PKNS ប៉ុន្តែ Pahang វាយបកពីរគ្រាប់វិញ។ រូបថត PKNS
×![]()
ដោយ: ថ្មីៗ
PKNS FC បានរងបរាជ័យ ២-១ ដោយសារក្រុមភ្ញៀវ Pahang FA នាជំនួបសប្តាហ៍ទី៩ នៃក្របខណ្ឌ Malaysia Super League។ ចាន់ វឌ្ឍនាកា ជាអ្នករកបានគ្រាប់បាល់បញ្ចូលទីដើមតង់ទីមួយ ប៉ុន្តែខ្សែប្រយុទ្ធជម្រើសជាតិកម្ពុជារូបនេះ បដិសេធអបអរគ្រាប់បាល់លើ Pahang FA ដែលជាក្រុមចាស់របស់ខ្លួន។
នៅនាទី១៣ ខ្សែប្រយុទ្ធលីបេរី ដណ្តើមបាល់បានខ្សែការពាររបស់ Pahang FA ហើយនាំទៅតំបន់គ្រោះថ្នាក់ មុននឹងបញ្ជូនទៅ ចាន់ វឌ្ឍនាកា សម្រេចទីនាំមុខ ១-០។ វឌ្ឍនាកា បានត្រឹមតែលើកដៃសំពះឡើងលើ និងធ្វើទឹកមុខធម្មតាប៉ុណ្ណោះ ដើម្បីសំដែងការគោរពចំពោះក្រុម Pahang ដែលគេបានលេងឲ្យ១០ប្រកួត និងស៊ុតបញ្ចូលទីបាន១គ្រាប់ កាលពីរដូវកាលមុន។
ទោះបីជាយ៉ាងណាក៏ដោយ ឱកាសបានបីពិន្ទុរបស់ PKNS FC បានបាត់បង់ ដោយក្រុមភ្ញៀវវាយបកវិញជាបន្តបន្ទាប់ចំនួន២គ្រាប់។ ខ្សែប្រយុទ្ធនីហ្សេរីយ៉ា Dickson Nawakamae តាមស្មើនៅនាទី២៤ ហើយខ្សែប្រយុទ្ធប្រេស៊ីល Ze Love នាំឲ្យមានលទ្ធផល ២-១ សម្រាប់ Pahang នៅនាទី៧៥៕
នៅនាទី១៣ ខ្សែប្រយុទ្ធលីបេរី ដណ្តើមបាល់បានខ្សែការពាររបស់ Pahang FA ហើយនាំទៅតំបន់គ្រោះថ្នាក់ មុននឹងបញ្ជូនទៅ ចាន់ វឌ្ឍនាកា សម្រេចទីនាំមុខ ១-០។ វឌ្ឍនាកា បានត្រឹមតែលើកដៃសំពះឡើងលើ និងធ្វើទឹកមុខធម្មតាប៉ុណ្ណោះ ដើម្បីសំដែងការគោរពចំពោះក្រុម Pahang ដែលគេបានលេងឲ្យ១០ប្រកួត និងស៊ុតបញ្ចូលទីបាន១គ្រាប់ កាលពីរដូវកាលមុន។
ទោះបីជាយ៉ាងណាក៏ដោយ ឱកាសបានបីពិន្ទុរបស់ PKNS FC បានបាត់បង់ ដោយក្រុមភ្ញៀវវាយបកវិញជាបន្តបន្ទាប់ចំនួន២គ្រាប់។ ខ្សែប្រយុទ្ធនីហ្សេរីយ៉ា Dickson Nawakamae តាមស្មើនៅនាទី២៤ ហើយខ្សែប្រយុទ្ធប្រេស៊ីល Ze Love នាំឲ្យមានលទ្ធផល ២-១ សម្រាប់ Pahang នៅនាទី៧៥៕
Tag:
ចាន់ វឌ្ឍនាកា
© រក្សាសិទ្ធិដោយ thmeythmey.com
