អន្តរជាតិ
រដ្ឋជាង៦០ មិនធ្លាប់កាន់អាសនៈសមាជិកមិនអចិន្ត្រៃយ៍ក្រុមប្រឹក្សាសន្តិសុខអង្គការសហប្រជាជាតិ
× មិនមែនគ្រប់សមាជិករបស់អង្គការសហប្រជាជាតិទាំងអស់ សុទ្ធសឹងតែមានឱកាសកាន់អាសនៈមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិនោះទេ។ នេះក៏ព្រោះតែដើម្បីអាចឲ្យក្លាយជាសមាជិករបស់អង្គភាពចំណុះរបស់អង្គការសហប្រជាជាតិដ៏មានឥទ្ធិពលលើកិច្ចការសន្តិសុខ និងសន្តិភាពពិភពលោកមួយនេះ ទាមទារឲ្យកេរ្តិ៍ឈ្មោះល្អ និងឥទ្ធិពលក្នុងឆាកអន្តរជាតិ។
តាមរបាយការណ៍របស់អង្គការសហប្រជាជាតិគិតចាប់ពីឆ្នាំ ១៩៤៦មក មានរដ្ឋសមាជិកភាគច្រើនរបស់អង្គការសហប្រជាជាតិ ត្រូវបានជ្រើសរើសជាសមាជិកមិនអចិន្ត្រៃយ៍របស់ក្រុមប្រឹក្សាសន្តិសុខអង្គការសហប្រជាជាតិ ខណៈរដ្ឋសមាជិកជាង៦០ផ្សេងទៀត មិនដែលធ្លាប់ត្រូវបានជ្រើសរើសម្តងសោះក្នុងតំណែងមួយនេះ។
គួរបញ្ជាក់បន្តិចថា ក្រុមប្រឹក្សាសន្តិសុខ គឺជាស្ថាប័នមួយក្នុងចំណោមស្ថាប័នទាំងប្រាំមួយរបស់អង្គការសហប្រជាជាតិ ដែលមានតួនាទីស្នូលផ្តោតទៅលើបញ្ហាសន្តិសុខ និងសន្តិភាពរបស់ពិភពលោក។ ស្ថាប័ននេះ មានសមាជិកសរុប១៥រដ្ឋ ដែលមាន៥រដ្ឋជាសមាជិកអចិន្ត្រៃយ៍ និង ១០រដ្ឋជាសមាជិកមិនអចិន្ត្រៃយ៍ ដែលត្រូវជ្រើសរើសពីតំណាងប្រទេសក្នុងតំបន់នីមួយៗ។
ខាងក្រោមនេះ គឺជាប្រទេសតាមលំដាប់អក្ខរក្រមភាសាអង់គ្លេស ដែលមិនធ្លាប់ត្រូវបានជ្រើសរើសជាសមាជិកមិនអចិន្ត្រៃយ៍របស់ក្រុមប្រឹក្សាសន្តិសុខអង្គការសហប្រជាជាតិ៖
១. អាហ្កាសនីស្ថាន ២. អាល់បានី ៣. អង់ដូរ៉ា ៤. អង់ទីហ្គា និងបាប៊ុយដា ៥. អាមេនី ៦. បាហាម៉ា ៧.បាបាដុស ៨. បេលី ៩. ប៊ូតង់ ១០. ព្រុយណេ ១១. កម្ពុជា ១២. សាធារណរដ្ឋអាហ្វ្រិកកណ្តាល ១៣.កូម័រ ១៤. ស៊ីប ១៥. កូរ៉េខាងជើង ១៦. ដូមីនិក ១៧. អែលសាល់វ៉ាឌ័រ ១៨. អេរីត្រេ ១៩.អេស្តូនី ២០.ហ្វីជី ២១.ហ្សកហ្ស៊ី ២២.ហ្គ្រើណាដ ២៣.ហៃទី ២៤.អ៊ីស្លង់ ២៥. អ៊ីស្រាអ៊ែល ២៦.គីរីបាទី ។
២៧. កៀហ្ស៊ីស៊ីស្ថាន ២៨. ឡាវ ២៩.ឡេតូនី ៣០. ឡេសូតូ ៣១. លិចតិនស្តាញ ៣២. ម៉ាឡេវី ៣៣.ម៉ាឌីវ ៣៤. កោះម៉ាស្សាល់ ៣៥. រដ្ឋសហព័ន្ធមីក្រូណូស៊ី ៣៦. ម៉ូណាកូ ៣៧. ម៉ុងហ្គោលី ៣៨. ម៉ុងតេណេហ្គ្រោ ៣៩. ម៉ូសំប៊ិក ៤០. មីយ៉ាន់ម៉ា ៤១. ណូរូ ៤២. ម៉ាសេដ្វានខាងជើង ៤៣. Palau ៤៤. ប៉ាពូអាស៊ី នូវែលហ្គីណេ ៤៥. សាធារណរដ្ឋម៉ុលដាវី ៤៦. Saint Kitts and Nevis, ៤៧. សាំងលូស៊ី។
៤៨. Saint Vincent និង the Grenadines ៤៩. សាម័រ ៥០. សាំងម៉ារ៉ាំង ៥១. សៅតូម៉េ និងប្រាំងស៊ីប ៥២. Serbia ៥៣. សីស្ហែល ៥៤. Solomon Islands ៥៥. ស៊ូដង់ខាងត្បូង ៥៦. សូរីណាម ៥៧.ស្វាស៊ីឡង់ (អ៊ីស្វាទីនី) ៥៨. ស្វ៊ីស ៥៩. តាហ្សីគីស្ថាន ៦០.ទីម័រខាងកើត ៦១. តុងហ្គា ៦២. តួកម៉េនីស្ថាន ៦៣. ទូវ៉ាលូ ៦៤. អ៊ូសបេគីស្ថាន និង ៦៥. វ៉ានូទូ៕
© រក្សាសិទ្ធិដោយ thmeythmey.com