ជាតិ
សង្គមជាតិ
ក្រសួងសុខាភិបាល រកឃើញថ្នាំលើសឈាម៤ប្រភេទ ដែលអាចបង្កជំងឺមហារីក គ្មានចុះបញ្ជីកាត្រឹមត្រូវ
រូបភាពពីក្រសួងសុខាភិបាល
×![]()
ដោយ: ឡាយ សុភាវតី
ក្រសួងសុខាភិបាល ស្នើឲ្យអាជ្ញាធរ ប្រមូលឱសថព្យាបាលជំងឺលើសសម្ពាធឈាមប្រភេទ Losartan វិញ បើសិនករណីរកឃើញចរាចរណ៍ក្នុងទីផ្សារប្រទេសកម្ពុជា ព្រោះថ្នាំប្រភេទនេះ មានផ្ទុកសារជាតិគីមី លើសកម្រិតស្ដង់ដារអនុញ្ញាត ហើយអាចបង្កឲ្យមានជំងឺមហារីក។ នេះបើយោងតាមសេចក្ដីជូនដំណឹងរបស់ក្រសួងសុខាភិបាលកម្ពុជា។
ថ្នាំប្រភេទនេះ ត្រូវបានប្រទេសសិង្ហបុរី និងថៃ ប្រមូលពីទីផ្សារ ដោយសារបញ្ហាផ្ទុកសារជាតិគីមីលើសកម្រិតនេះ។ ក្រោយពីទទួលបានព័ត៌មាននេះ ក្រសួងបានតាមដាន ហើយពិនិត្យឃើញថា ក្នុងចំណោមឱសថ Losartan ទាំងអស់ ដែលផលិតដោយគ្រឹះស្ថាន៤ក្នុងប្រទេសឥណ្ឌា និងថៃ ហើយនាំចូលមកកម្ពជានោះ គឺគ្មានចុះបញ្ជិការនៅកម្ពុជាត្រឹមត្រូវឡើយ។
ប្រភេទឱសថលើសសម្ពាធឈាមបួនប្រភេទ មានសារធាតុសកម្ម losartan Potassium ដែល គ្រឹះស្ថានផលិតនៅ ថៃនិងឥណ្ឌា នេះ មានឈ្មោះ HYPERTEN Tablet, Losagen Tablet, LOSARTAS Tablet, LANZAAR Tablet។
ក្រសួងសុខាភិបាល បានអំពាវនាវដល់ប្រជាពលរដ្ឋ វេជ្ជបណ្ឌិត គ្រឹះស្ថានទាំងអស់ ដឹងពីប្រភេទថ្នាំខាងលើ ត្រូវរាយការណ៍ទៅក្រសួង នៅពេលបានឃើញថ្នាំទាំងបួនប្រភេទខាងលើ៕
Tag:
ក្រសួងសុខាភិបាល
ហាមប្រើប្រាស់
ថ្នាំលើសឈាម
© រក្សាសិទ្ធិដោយ thmeythmey.com
