ផ្ទះ៩០ខ្នងត្រូវបានខូចខាតដោយសារខ្យល់កន្ត្រាក់ នៅបន្ទាយមានជ័យ

ជាតិ

សង្គមជាតិ

ផ្ទះ៩០ខ្នងត្រូវបានខូចខាតដោយសារខ្យល់កន្ត្រាក់ នៅបន្ទាយមានជ័យ

18, Apr 2019 , 11:16 am

រូបភាព

ដោយ: ឡាយ សុភាវតី

ភ្នំពេញ៖ ផ្ទះពលរដ្ឋនៅខេត្តបន្ទាយមានជ័យ៩០ខ្នង ត្រូវបានខូចខាតដោយសារខ្យល់កន្ត្រាក់ កាលពីថ្ងៃ១៥ មេសា ។ ក្នុងនោះផ្ទះ៨ខ្នង ខូចខាតទាំងស្រុង។ នេះបើតាមអគ្គស្នងការដ្ឋាននគរបាលជាតិ។

អគ្គស្នងការនគរបាល បានបញ្ជាក់ថា គ្រោះថ្នាក់ធម្មជាតិ ដែលមានភ្លៀងធ្លាក់លាយឡំខ្យល់កន្ត្រាក់ បានបំផ្លាញផ្ទះពលរដ្ឋនៅក្នុងស្រុកចំនួន២ គឺស្រុកភ្នំស្រុក ស្រុកស្វាយចេក និងស្រុកមង្គលបូរី ។ ក្នុងចំណោមស្រុកទាំង៣នេះ គឺស្រុកភ្នំស្រុករងនូវផលប៉ះពាល់ខ្លាំងជាងគេ ព្រោះមានផ្ទះពលរដ្ឋ៧៦ខ្នងខូចខាត ក្នុងនោះផ្ទះ៥ខ្នងដួលរលំទាំងស្រុង ហើយសាលារៀន២ខ្នង សាលាឆទាន២ខ្នងក៏រងការខូចខាតផងដែរ។

រីឯស្រុកស្វាយចេក មានផ្ទះ១២ខ្នង រងការខូចខាតដោយសារខ្យល់កន្ត្រាក់ ដោយក្នុងនោះផ្ទះ៣ខ្នងខូចខាតទាំងស្រុង និង៩ខ្នងរបើកដំបូល។ ចំពោះស្រុកមង្គលបូរីមានផ្ទះ២ខ្នង ខូចខាតត្រឹមរបើកដំបូលប៉ុណ្ណោះ។

បើតាមអគ្គស្នងការដដែល គ្រោះធម្មជាតិនេះ ក៏បានបង្កឲ្យមានមនុស្សម្នាក់រងរបួស នៅស្រុកភ្នំស្រុកទៀតផង៕