ជាតិ
សង្គមជាតិ
ចូលឆ្នាំ៖ ខេត្តព្រះសីហនុទទួលបានភ្ញៀវទេសចរជិត២០ម៉ឺននាក់ កើនឡើង២០ភាគរយ រូបភាពពីរដ្ឋបាលខេត្តព្រះសីហនុ
× ភ្នំពេញ៖ ខេត្តព្រះសីហនុទទួលបានភ្ញៀវទេសចរជិត២០ម៉ឺននាក់ ដែលមកកម្សាន្តលេងនៅសង្ក្រាន្តសមុទ្រ និងតាមរមណីយដ្ឋាននានា នៃបុណ្យចូលឆ្នាំខ្មែររយៈពេល៣ថ្ងៃ។ តួលេខនេះមានការកើនឡើង២០ភាគរយ បើធៀបនឹងឆ្នាំមុន។
លោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុ បញ្ជាក់ប្រាប់អ្នកសារព័ត៌មានថ្មីៗតាមទូរសព្ទថា សង្រា្កន្តសមុទ្រ ជាព្រឹត្តិការណ៍មួយសំខាន់ ដែលជួយទាក់ទាញភ្ញៀវទេសចរឲ្យមកកម្សាន្តលេងនៅរមណីយដ្ឋាននានាក្នុងខេត្តព្រះសីហនុ។ ប្រធានមន្ទីរទេសចរណ៍ខេត្តព្រះសីហនុរូបនេះ បន្តថា ភ្ញៀវទេសចរសរុប ដែលមកលេងខេត្តព្រះសីហនុមានចំនួន១៩១,៤៨៦នាក់ ក្នុងនោះមានភ្ញៀវជាតិចំនួន ១៦៤,៩១៣ នាក់ និងភ្ញៀវអន្តរជាតិចំនួន ២២,៥៥៣នាក់ កើនឡើងជាងមុន តែភាគច្រើនជាជនជាតិចិន។
រូបភាពពីរដ្ឋបាលខេត្តព្រះសីហនុ
បើតាមលោក សុចិត្តគ្រឹស្នា តំបន់ទេសចរណ៍ដែលទាក់ទាញភ្ញៀវច្រើនជាងគេ ក្នុងរយៈពេល៣ថ្ងៃនៃចូលឆ្នាំខ្មែរនេះ មាន តំបន់ឆ្នេរសមុទ្រឯករាជ្យ, រមណីយដ្ឋានក្បាលឆាយ, រមណីយដ្ឋានថ្មរ៉ូង, រមណីយដ្ឋានពិកនិក និងតាមកោះផ្សេងៗក្នុងខេត្តព្រះសីហនុ៕
Tag:
ចូលឆ្នាំខ្មែរ
ខេត្តព្រះសីហនុ
ភ្ញៀវទេសចរ
តាំង សុចិត្តគ្រឹស្នា
© រក្សាសិទ្ធិដោយ thmeythmey.com