ជាតិ
សង្គមជាតិ
កម្ពុជានឹងបន្តឡើងកម្តៅដល់៤០អង្សាសេ រយៈពេលមួយសប្ដាហ៍
× ភ្នំពេញ៖ ចាប់ពីថ្ងៃទី១៩ដល់២៤មេសា ភ្លៀងកក់ខែនៅបណ្តារាជធានី-ខេត្តមួយចំនួន នឹងចុះខ្សោយ ហើយកន្លែងខ្លះទៀត ស្ទើរតែគ្មានទឹកភ្លៀងធា្លក់ទាំងស្រុង។ អាកាសធាតុកម្ពុជា នឹងបន្តឡើងកម្តៅពីសីតុណ្ហភាពអតិបរិមា ក្នុងវង្វង់៣៧ទៅ៤០អង្សាសេ។ នេះបើយោងតាមសេចក្តីដំណឹងរបស់ក្រសួងធនធានទឹក និងឧតុនិយម នៅថ្ងៃទី១៨មេសា។
ក្រសួងធនធានទឹក បានបញ្ជាក់ថា ឥទ្ធិពលនៃជ្រលងសម្ពាធទាប បានអូសបន្លាយលើកម្ពុជាកន្លងមក បានធ្វើឱ្យមានភ្លៀងធា្លក់ស្ទើរទូទាំងប្រទេស ក្នុងកម្រិតពីខ្សោយទៅបង្គួរ។ ប៉ុន្តែចាប់ពីថ្ងៃទី១៩ មេសាទៅ ឥទ្ធិពលនៃជ្រលងសម្ពាធទាបនេះ នឹងចុះខ្សោយ ហើយធ្វើឱ្យមានធាតុអាកាសក្តៅ ។
សូមបញ្ជាក់ថា ការកើនឡើងកម្តៅនេះ ដោយសារតែកម្ពុជាបានរងនូវបាតុភូតអែលនីណូ(El Nino) ដែលធ្វើឱ្យជួបគ្រោះហួតហែងខ្លាំង។ ពិសេសក្នុងអំឡុងខែមេសា និងឧសភា កម្តៅនឹងហក់ឡើងដល់ ៤០ ទៅ៤២អង្សាសេ៕
© រក្សាសិទ្ធិដោយ thmeythmey.com