ជាតិ
លោក សម រង្ស៊ី៖ទៅស្រុកយើងវិញ! ទៅស្រុកយើងវិញ! ខ្ញុំទៅជាមួយបងប្អូននៅកូរ៉េ ថៃ!
លោក សម រង្ស៊ី អតីតមេដឹកនាំគណៈបក្សសង្រោះជាតិ
×![]()
ភ្នំពេញ៖ លោក សម រង្ស៊ី បានប្តេជ្ញាចិត្តចំពោះមុខអ្នកចូលរួមមហាបាតុកម្ម «ពន្លឺភ្លើងទៀន»រាប់ពាន់នាក់ ទីក្រុងក្វាងយូនៃប្រទេសខាងត្បូងកាលពីថ្ងៃទី២០ ខែមេសា ថាលោកនឹងវិលត្រឡប់ទៅកម្ពុជាវិញក្នុងពេលឆាប់ៗនេះ។ ជាមួយគ្នានេះ លោក បានបបួលយុវជននិងពលករខ្មែរដែលធ្វើការងារនៅប្រទេសកូរ៉េ ឱ្យទៅប្រទេសកម្ពុជា ជាមួយលោកផងដែរ។
សូមស្តាប់សំឡេង លោក សម រង្ស៊ី៖
«ទៅស្រុកយើងវិញ! ទៅស្រុកយើងវិញ!» នេះជាសម្រែកតាមឧឃោសនសព្ទរបស់មេដឹកនាំអតីតគណបក្សសង្គ្រោះជាតិ អមដោយសារការបន្ទរពីក្រោយ នាមហាបាតុកម្ម «ពន្លឺភ្លើងទៀន» នៅក្វាងយូ ប្រទេសកូរ៉េខាងត្បូង។
មេដឹកនាំក្រុមប្រឆាំងរូបនេះបានបន្តនិយាយដូច្នេះ«ខ្ញុំទៅជាមួយបងប្អូន ក្មួយៗនៅប្រទេសកូរ៉េ ក្មួយៗនៅប្រទេសថៃ និងក្មួយៗនៅគ្រប់ប្រទេសដែលទៅកម្ពុជាជាមួយខ្ញុំ។ យើងទៅបំផុស កម្លាំងស្នេហាជាតិក្នុងប្រទេសកម្ពុជា»។ នេះជាសម្រែក របស់លោក សម រង្ស៊ី ។
សូមបញ្ជាក់ថា លោក សម រង្ស៊ី រួមទាំងសហការីរបស់លោក បានទៅដល់កូរ៉េខាងត្បូងកាលថ្ងៃទី១៩ខែមេសា ឆ្នាំ២០១៩ នេះបើយោងតាម អ្នកស្រី មូរ សុខហួរ បានសរសេរលើទំព័រហ្វេសប៊ុកថា «លោកប្រធាន សម រង្ស៊ី បានធ្វើដំណើរមកដល់ប្រទេសកូរ៉េខាងត្បូងហើយ ហើយនឹងបន្តមកប្រទេសកំណើតរបស់គាត់ ក្នុងពេលឆាប់ៗនេះ។ សូមបងប្អូន ខ្មែរពិសេសយុវជនត្រៀមទទួលលោកប្រធាន ដើម្បីសង្គ្រោះប្រទេសយើង»។
នាឱកាសនោះ លោក សម រង្ស៊ី ក៏បានទទួលពានរង្វាន់ជាជើងឯកប្រជាធិបតេយ្យនៅកម្ពុជា (Champion of Democracy in Cambodia) ដែលផ្តល់ឲ្យដោយអង្គការកូរ៉េឈ្មោះ វេទិកាសិទ្ធិមនុស្ស និងសន្តិភាព អាស៊ី (Asia Human Rights and Peace Forum) ផងដែរ៕
Tag:
ជាតិ
សង្គម
នយោបាយ
ពលករ
សម រង្ស៊ី
© រក្សាសិទ្ធិដោយ thmeythmey.com
