អន្តរជាតិ
អ្នកស្លាប់ដោយសារការបំផ្ទុះនៅស្រីលង្កា កើនដល់ជិត១៦០នាក់ ក្នុងនោះ៣៥នាក់ជាជនបរទេស រូបថត AFP
× វិហារចំនួន៣ សណ្ឋាគារលំដាប់ខ្ពស់ចំនួន៣ផ្សេងទៀត នៅក្រុង Colombo ប្រទេសស្រីលង្កា បានរងការវាយប្រហារនៅថ្ងៃអាទិត្យនេះ ចំពេលនៃពិធីបុណ្យ Easter Sunday តាមប្រពៃណីសាសនាគ្រិស្ត។
AFP បានផ្សាយតុល្យការនារសៀលថ្ងៃដដែលនេះថា ចំនួនអ្នកស្លាប់បានកើនដល់យ៉ាងហោចណាស់១៥៦នាក់ ក្នុងនោះមាន៣៥នាក់ ជាជនបរទេស។ បើតាមប្រភពពីមន្ទីរពេទ្យ អាមេរិក អង់គ្លេស និងហូឡង់ ស្ថិតក្នុងចំណោមជនបរទេសដែលបានស្លាប់។
អ្នកនាំពាក្យប៉ូលិសស្រីលង្កា ក៏បានឲ្យដឹងផងដែរថា ក្រៅពីការបំផ្ទុះកាលពីពេលព្រឹក ករណីថ្មីមួយទៀតបានកើតឡើង ដែលបណ្តាលឲ្យមនុស្សស្លាប់ពីរនាក់ផងដែរ។
ទីតាំងកន្លែងកើតហេតុ សុទ្ធតែទទួលរងការបំផ្ទុះ ខណៈអាជ្ញាធរស្រីលង្ការ មិនទាន់រកឃើញពីមូលហេតុនោះឡើយ។
នាយករដ្ឋមន្ត្រីអង់គ្លេស លោកស្រី Theresa May បានថ្កោលទោសចំពោះការវាយប្រហារទាំងនោះ ដែលជាសកម្មភាពហិង្សាប្រឆាំងនឹងព្រះវិហារ និងសណ្ឋាគារនៅស្រីលង្កា។ តាមរយៈ Twitter របស់ខ្លួន លោកស្រី May បានចូលរួមរំលែកទុក្ខដល់ក្រុមគ្រួសាររងគ្រោះ៕
© រក្សាសិទ្ធិដោយ thmeythmey.com