ពីនេះ ពីនោះ
ព័ត៍មានសុខភាព
មកដល់ពេលនេះហើយ ប្រហែលមានមនុស្សច្រើនណាស់មិនបានស្គាល់អាការៈលើសឈាមទេ!!!
× តើអ្វីទៅជាជំងឺលើសឈាម ឬលើសសម្ពាធឈាម? ការលើសសម្ពាធឈាម អាចមានផលវិបាករបស់វាច្រើនណាស់។ ជាលទ្ធផល ជំងឺនេះក៏ត្រូវបានគេហៅថាជា ឃាតករឈាមត្រជាក់ដែរ។ ភាគច្រើនជំងឺលើសសម្ពាធឈាមមិនបង្កជារោគសញ្ញា ឬអាការៈអ្វីទាំងអស់។ មានន័យថា អ្នកដែលមានជំងឺលើសសម្ពាធឈាមគឺមិនអាចដឹងថាខ្លួនឯងកំពុងតែមានការខូចខាតដល់បេះដូង តម្រងនោម ភ្នែក និងរបត់ឈាមរត់ឡើយ ដោយសារតែមិនមានអារម្មណ៍អ្វីបញ្ជាក់ឲ្យដឹងទេ។ ដូច្នេះហើយ យកល្អគួរតែប្រើវិធីវាស់សម្ពាធឈាមជារបៀបពិនិត្យសុខភាពរាងកាយប្រចាំថ្ងៃផង។
យ៉ាងណាមិញ អ្នកដែលមានជំងឺលើសសម្ពាធឈាម តែមិនទាន់មានផលវិបាករបស់វា អាចមានអាការៈដូចជា៖
• ឈឺក្បាល
• ព្រឺលភ្នែក
• វិលមុខ
• ពិបាកដកដង្ហើមជាដើម។
ផលវិបាកនៃការលើសសម្ពាធឈាម អាស្រ័យទៅតាមភាពធ្ងន់ធ្ងរ និងរយៈពេលនៃសម្ពាធរបស់ឈាម ព្រមទាំងមូលហេតុជំងឺមួយៗដែលចូលរួមផងដែរ។ ការលើសសម្ពាធឈាមអាចប៉ះពាល់ដល់បេះដូងរហូតដល់មានអាការៈ៖
• ពិបាកដកដង្ហើម
• ឈឺទ្រូង
• គាំងបេះដូង
ការលើសសម្ពាធឈាមអាចធ្វើឲ្យខូចដល់មុខងាររបស់តម្រងនោម ដែលជាហេតុនាំឲ្យចាលជាតិទឹកក្នុងខ្លួន និងហើមជើង និងចុងក្រោយអាចខ្សោយតម្រងនោមថែមទៀតផង។ ការលើសសម្ពាធឈាមអាចប៉ះពាល់ដល់ភ្នែក រហូតដល់ខ្វាក់បាន។ ការលើសសម្ពាធឈាមអាចប៉ះពាល់យ៉ាងធ្ងន់ធ្ងរទៅលើរបត់ឈាមរត់ និងបង្កជាការឈឺចាប់នៅជើង និងដាច់សរសៃឈាមខួរក្បាលថែមទៀត។
សំណាងដែរ នៅពេលជំងឺលើសសម្ពាធឈាមរកឃើញលឿន ព្យាបាលទាន់ពេល និងតាមដានដិតដល់ អ្នកជំងឺនឹងអាចជៀសផុតពីផលវិបាកទាំងអស់ខាងលើបាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com