ជាតិ
លោក ចាន់ ចេស្ដា ឡើងជារដ្ឋលេខាធិការក្រសួងកសិកម្ម
× ភ្នំពេញ៖ លោក ចាន់ ចេស្ដា ដែលជាអនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ត្រូវបានដំឡើងឋានៈជារដ្ឋលេខាធិការនៃក្រសួងនេះដដែល។ ការតែងតាំងនេះត្រូវបានធ្វើឡើងដោយព្រះរាជក្រឹត្យ ចុះថ្ងៃទី២៣ខែមេសា។
គួរបញ្ជាក់ថា លោក ចាន់ ចេស្ដា គឺជាអតីតអភិបាលខេត្តកំពត មុននឹងលោកត្រូវបានផ្លាស់មកជាអនុរដ្ឋលេខាធិការ ហើយដែលត្រូវដំឡើងជារដ្ឋលេខាធិការក្រសួងកសិកម្មនៅពេលនេះ។
ជាមួយគ្នានេះកីឡាករ ចាន់ វឌ្ឍនាកា ដែលជាកូនប្រុសបង្កើតរបស់លោក ចាន់ ចេស្ដា បានចូលរួមត្រេកអរឪពុកខ្លួនដែលទទួលមុខងារខ្ពស់ជាងមុន។ កីឡាករបាល់ទាត់ឆ្នើមរបស់កម្ពុជារូបនេះបានសរសេរសារលើហ្វេសប៊ុករបស់ខ្លួនដូច្នេះថា៖«ចូលរួមអបអរ ពុក នៅពេលបានលឺដំណឹងនេះ សង្ឃឹមថាពុកនឹងកាន់ល្អប្រសើជាមួយនឹងការងារ របស់ពុក ជូនពរ សុខភាពល្អ សំរេចរាល់ការងារ អរគុណសំរាប់រយះពេល ២៥ឆ្នាំមកនេះ ចំពោះការមើលថែរក្សារូបខ្ញុំកន្លងមក»៕
© រក្សាសិទ្ធិដោយ thmeythmey.com