អត្ថបទពាណិជ្ជកម្ម
ជាម្ដាយម្នាក់ដែលរៀនមិនបានចប់ចុងចប់ដើម តស៊ូព្យាយាមរហូតដល់បើកហាងខ្លួនឯងដើម្បីចិញ្ចឹមកូនៗ រូបខ្ចីអាវក្មួយស្រីពាក់ នៅថ្ងៃទទួលសញ្ញាបត្ររបស់ក្មួយស្រី
× ជាម្ដាយម្នាក់ដែលពោរពេញទៅដោយក្ដីស្រលាញ់ ចំពោះកូនៗ និងជាសហគ្រិនស្រី្ដម្នាក់ដែលចាប់ផ្ដើមជំនួញដោយពុំបានរៀនចប់ចុងចប់ដើម អ្នកស្រី ផាន សូរិយា បានបង្ហើបពីការតស៊ូព្យាយាម រហូតក្លាយខ្លួនជាម្ចាស់ហាង ម៉ាឌី Fashion & Salon បើទោះជាខ្លួនមិនបានរៀនចប់មានសញ្ញបត្រដូចគេក្ដី អ្នកស្រីខំព្យាយាមរកស៊ីដើម្បីចិញ្ចឹមកូនៗ ឲ្យមានចំណេះដឹង កុំឲ្យមានការលំបាកដូចជាខ្លួន។ ហាង ម៉ាឌី Fashion & Salon ដែលបង្កើតឡើងដើមឆ្នាំ ២០១៦ និងមានលក់ម៉ូតសម្លៀកបំពាក់ កាបូប ប្រេនល្បីជាច្រើន លើសពីនេះក៏មានលក់គ្រឿងសម្អាងសម្រាប់ថែរក្សាសម្ផស្ស ដែលល្អៗជាច្រើន។
ដោយសារតែស្ថានភាពគ្រួសារដែលតម្រូវឲ្យ អ្នកស្រី ផាន សូរិយា ត្រូវរៀបការមានស្វាមី ទើបបណ្ដាលឲ្យអ្នកស្រីត្រួវឈប់រៀនត្រឹមថ្នាក់ទី៩។ អ្នកខ្លះប្រាកដជាគិតថា ស្ដ្រីដែលឈប់រៀនត្រឹមថ្មាក់ទី៩ និងត្រូវមានស្វាមីទៀតនោះ ប្រាកដជាមិនអាចធ្វើអ្វីបាន ក្រៅពីមើលកូន និងងរៀបចំផ្ទះនោះទេ។ តែផ្ទុយស្រឡះ សហគ្រិនស្ដ្រីរូបនេះ បានព្យាយាម ពុះពារបង្កើតនូវអ្វីដែលជាខ្លួនឯង ខណៈខ្លួនជាម្ដាយរបស់កូនៗ៣នាក់រូបនេះ ពុំមានកាគាំទ្រណាមួយពីអ្នកផ្ទះ ក្នុងការចេញធ្វើអាជីវកម្មដោយខ្លួនឯងនោះ។
វាគឺជារឿងដ៏ពិបាកមួយ សម្រាប់ស្ដ្រីដែលមានកូនតូចៗក្នុងបន្ទុកត្រូវមើលថែ ដែលត្រូវចេញមកធ្វើអាជីវកម្មដោយខ្លួន ស្របពេលដែលអ្នកផ្ទះមិនបានគាំទ្រទៀតនោះ ប៉ុន្ដែហេតុតែស្រលាញ់ការធ្វើជំនួញ និងចង់បានចំណូលផ្ទាល់ដើម្បីកែប្រែសេដ្ឋកិច្ចរបស់គ្រួសារ និងចង់បន្សល់នូវជោគជ័យទាំងអស់នោះ សម្រាប់កូនៗ មិនចង់ឃើញកូនលំបាកដូចជាខ្លួន អ្នកស្រី ផាន សូរិយា ខំពុះពារព្យាយាម រៀនសូត្រពីបទពិសោធន៍ពីអ្នកជំនួញល្បីៗ រហូតដល់មានឱកាសបើកហាង ម៉ាឌី Fashion & Salon មួយនេះឡើង។
អ្នកស្រី ផាន សូរិយា ដែលជាម្ចាស់ហាង ម៉ាឌី Fashion & Salon បាននិយាយថា៖«ដោយសារតែចិត្តស្រលាញ់ និងការចង់មានចំណូលផ្ទាល់ខ្លួន ក៏បានលួចបង្កើតគណនីហ្វេសប៊ុក ដើម្បីលក់អនឡាញ រហូតបាន១ឆ្នាំ ក៏សម្រេចចិត្តបង្កើតហាង ម៉ាឌី Fashion & Salon នេះឡើង ដើម្បីបម្រើនូវតម្រូវការរបស់អតិថិជន ដើម្បីទទួលបាននូវផលិតផលដែលល្អ ក៏ដូចជាអ្នកប្រឹក្សាលើម៉ូតសម្លៀកបំពាក់ គ្រឿងសម្អាងដែលល្អត្រឹមត្រូវស្របនឹងបទពិសោធន៍របស់ខ្លួនធ្លាប់ឆ្លងកាត់កន្លងមក»។
បើតាមសហគ្រិនរូបនេះ ការបើកហាង ម៉ាឌី Fashion & Salon អ្នកស្រីបានចំណាយដើមទុនប្រមាណ ៣០០០ ដុល្លារ រហូតជោគជ័យមកដល់សព្វថ្ងៃនេះ។ អ្នកស្រី សូរិយា ក៏បានលើកទឹកចិត្តដល់ស្ដ្រីដែលមានគ្រួសារ និងពុំបានរៀនខ្ពង់ខ្ពស់ដទៃទៀត កុំឲ្យគិតថា ខ្លួនអស់ឱកាសក្នុងការធ្វើអ្វីដែលជាចំណូលចិត្តរបស់ខ្លួនឯងឲ្យសោះ។ បើសិនចង់បានសេរីភាពហិរញ្ញវត្ថុ ពួកគាត់ត្រូវខំព្យាយាមឆ្លៀតពេល ដើម្បីស្វែងរកអ្វីដែលខ្លួនឯងស្រលាញ់ពិតប្រាកដ និងពុះពារដើម្បីសម្រេចវា។
អ្នកស្រី សូរិយា បន្ថែមថា ៖ « វាអាចជារឿងដ៏ពិបាក សម្រាប់ស្ដ្រីដែលចេញធ្វើជំនួញដោយខ្លួនឯង។ ជាពិសេសសម្រាប់ស្ដ្រីដែលមានគ្រួសាររួច ហើយមិនទទួលបានការគាំទ្រពីអ្នកផ្ទះរបស់ខ្លួន។ ប៉ុន្ដែខ្ញុំជឿថា នៅពេលដែលយើងរកឃើញអ្វីដែលខ្លួនចង់ធ្វើ និងទេពកោសល្យរបស់ខ្លួនពិតប្រាកដនោះ យើងច្បាស់ជាធ្វើវា ដោយមិនខ្លាចនឿយហត់ និងធ្វើវាចេញពីចិត្តរបស់យើង ១០០ ភាគរយ។ វាប្រហែលជាជួបនូវរឿងបរាជ័យច្រើនបន្ដិច ពោលចាប់តាំងពីឆ្នាំ ២០១៦ដែលខ្ញុំបានចេញប្រលូករកស៊ីដោយខ្លួនឯង ក្នុងរយៈពេល ៣ ឆ្នាំ ខ្ញុំបានធ្វើនូវកំហុសជាច្រើន ប៉ុន្ដែកំហុសទាំងអស់នោះបានបង្រៀនខ្ញុំរហូតដល់ហាងឈរជើងមកដល់សព្វថ្ងៃ»។
គួររំលឹកថា ហាងម៉ាឌី Fashion & Salon មានទីតាំងស្ថិតនៅ ផ្ទះ25 ផ្លូវ1003 សង្កាត់ភ្នំពេញថ្មី ខណ្ទសែនសុខ Aeon 2។ ឬក៏អាចទំនាក់តាមរយៈទូរសព្ទ 016/085/0973/880 998 ឬក៏ចូលទៅកាន់គេហទំព័រហ្វេសបុក ហាងម៉ាឌី Fashion & Salon
https://www.facebook.com/madefashionshop/
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com