អត្ថបទពាណិជ្ជកម្ម
ប្រជាពលរដ្ឋក្រីក្រជាង៣០០គ្រួសារ បានទទួលអំណោយសប្បុរសធម៌ពីក្រុមហ៊ុន ENARITA
×![]()
ដោយ: ថ្មីៗ
ខេត្តត្បូងឃ្មុំ៖ នាព្រឹកថ្ងៃទី២៦ ខែមេសា ឆ្នាំ២០១៩ នេះ ក្រុមហ៊ុនអុីណារីតា ឌីវេឡុបម៉ិន ឯ.ក បានរៀបចំជា ពិធីចែកអំណោយសប្បុរសធម៌ ដល់ប្រជាពលរដ្ឋក្រីក្រជាង៣០០គ្រួសារ ដែលស្ថិតនៅក្នុងភូមិជាំម្អោរ ឃុំមេមត់ផ្សារ ស្រុកមេមត់ ខេត្តត្បូងឃ្មុំ។
ក្នុងអំឡុងពេលដែលប្រទេសកម្ពុជា កំពុងតែជួបប្រទះនូវគ្រោះរាំងស្ងួត ខ្វះខាតទឹកប្រើប្រាស់និងឡើងកម្តៅខ្លាំងនោះ បានធ្វើឲ្យប្រជាពលរដ្ឋដែលមានជីវភាពខ្សត់ខ្សោយ កាន់តែមានការលំបាកខ្លាំងឡើង។ ដូច្នេះហើយទើបក្រុមហ៊ុន អុីណារីតា បានរៀបចំជាពិធីចែកអំណោយសប្បុរសធម៌នេះ ដើម្បីចូលរួមសម្រាលទុក្ខលំបាក បងប្អូនបានមួយគ្រាដែរ។ នេះជាការលើកឡើងរបស់លោកអគ្គនាយក ឌីម សួនណាត និងលោកស្រី ម៉ក់ សុភក្រ័។ លោក បន្ថែមទៀតថា៖«ខ្ញុំធ្លាប់ក្រ ធ្លាប់លំបាក ដូចនេះខ្ញុំយល់ច្បាស់ណាស់ ពីការលំបាករបស់បងប្អូន នៅពេលនេះ»។
អំណោយសប្បុរសធម៌អស់ទាំងនេះមួយភាគធំ គឺជាថវិកាផ្ទាល់របស់លោកអគ្គនាយក និងលោកស្រី និងក៏មានការចូលរួមចំណែកពីអតិថិជនក្រុមហ៊ុន អុីណារីតា ឌីវេឡុបមិន ឯ.ក ដែលបានវិនិយោគជាមួយក្រុមហ៊ុន ហើយទទួលបានប្រាក់ចំណេញ ព្រមទាំងមានការចូលរួមដោយបុគ្គលិកក្រុមហ៊ុនផងដែរ។ សូមបញ្ជាក់ថា ការចូលរួមបរិច្ចាគរបស់អតិថិជន ធ្វើឡើងតាមរយៈសមាគមនសប្បុរសធម៌ដានីយ៉ែល។
អំណោយសប្បុរស ដែលប្រជាពលរដ្ឋជាង៣០០គ្រួសារ ទទួលបានរួមមានសម្លៀកបំពាក់ គ្រឿងឧបភោគ-បរិភោគ និងថវិកាក្នុងមួយគ្រួសារ៦០,០០០រៀល។ អំណោយសរុបជាទឹក មានជិត ២០,០០០ដុល្លារអាមេរិក។ នៅក្នុងឱកាសនោះ ក៏មានកម្មវិធីពីសាអាហារសាមគ្គី រួមគ្នាផងដែរ។
សូមបញ្ជាក់ថា ក្រុមហ៊ុន អុីណារីតា ឌីវេឡុបមិន ឯ.ក គឺជាក្រុមហ៊ុនវិនិយោគលើវិស័យអចនទ្រព្យដ៏ធំមួយ នៅក្នុងប្រទេសកម្ពុជា ដែលមានការផ្ដល់ជូន Promotion ពិសេស «ទិញដីបានលុយ« រួមទាំង «Promotionមាស» ទិញដីចំនួន1ឡូ ថែមមាស ១ជី ឬក៏ទូរស័ព្ទដៃ មួយគ្រឿង បន្ថែមទៀតផង។ មិនតែប៉ុណ្ណោះ ក្រុមហ៊ុនក៏មាន សេវាកម្ម ជាច្រើនដូចជា ផលិតទឹកបរិសុទ្ធ ផលិតផល និងសម្ភារកីឡា ហាងកាហ្វេរីតា នៅខេត្តសៀមរាប និងភ្នំពេញ ព្រមទាំងសេវាកម្មផ្សេងៗ ជាច្រើនទៀត៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
