ទឹកជ្រោះប៊ូស្រា «បេះដូងទេសចរណ៍»នៃខេត្តមណ្ឌលគិរី

ជាតិ

សង្គមជាតិ

ទឹកជ្រោះប៊ូស្រា «បេះដូងទេសចរណ៍»នៃខេត្តមណ្ឌលគិរី

27, Apr 2019 , 5:30 pm

រូបភាព

ដោយ:

មណ្ឌលគិរី៖ នៅពេលដែលអ្នកទេសចរជាតិនិងអន្តរជាតិចង់លេងខេត្តមណ្ឌលគិរី ពួកគេនឹងស្រមៃដល់ទឹកជ្រោះប៊ូស្រាភ្លាម។ «ទឹកជ្រោះប៊ូស្រា»ជារមណីយដ្ឋានឧទ្យានធម្មជាតិ ដែលអ្នកទេសចរមួយចំនួនទៅកម្សាន្តហើយ បានឧទ្ទេសនាមឲ្យថា ជា«បេះដូងទេសចរណ៍»ក្នុងខេត្តមណ្ឌលគិរី នៃភូមិភាគឦសានព្រះរាជាណាចក្រកម្ពុជា។ សក្តានុពលតំបន់ទេសចរណ៍«ទឹកជ្រោះប៊ូស្រា» ដ៏ទាក់ទាញដែលមានចម្ងាយផ្លូវ៤៣គីឡូម៉ែត្រពីទីរួមខេត្តមណ្ឌលគិរី តាមបណ្តោយផ្លូវទៅស្រុកពេជ្រាដាអមដោយព្រៃភ្នំ, ចម្ការកាហ្វេ, ម្រេច, កៅស៊ូ និងមានផ្ទះតូចៗរបស់ប្រជាពលរដ្ឋ លោកអ្នកនឹងទៅដល់«ទឹកជ្រោះប៊ូស្រា» ជាទីគួរឱ្យចង់គយគន់នេះ។ នៅពេលទៅដល់ទឹកជ្រោះប៊ូស្រា អ្នកទេសចរអាចទិញវត្ថុអនុស្សាវរីយ៍, ថតរូប, ងូតទឹក និងញ៉ាំអាហារដ៏សម្បូរបែបបានយ៉ាងរីករាយ។