អត្ថបទពាណិជ្ជកម្ម
ទោះកង្វះថាមពលអគ្គិសនី បន្តប៉ះពាល់ប្រព័ន្ធផ្គត់ផ្គង់សេវាក្តី តែក្រុមហ៊ុន Cellcard នៅតែសកម្ម និងរក្សាទំនាក់ទំនងជូនអតិថិជន
×![]()
ដោយ: ថ្មីៗ
ដោយសារបញ្ហាកង្វះខាតថាមពលអគ្គិសនី នៅតែបន្តប៉ះពាល់លើប្រព័ន្ធផ្តត់ផ្តង់សេវា ក្រុមហ៊ុន Cellcard នៅតែបន្តយ៉ាងសកម្ម ដើម្បីរក្សាទំនាក់ទំនងជូនប្រជាជនកម្ពុជា។
លោក Ian Watson នាយកប្រតិបត្តិរបស់ក្រុមហ៊ុន Cellcard មានប្រសាសន៍ថា ក្រុមការងារ CellCard នៅតែបម្រើសេវា២៤ម៉ោងក្នុងមួយសប្តាហ៍ ដើម្បីជួយ និងធានាថា អតិថិជនអាចបន្តការទំនាក់ទំនងគ្នា បានគ្រប់ពេលវេលា បើទោះបីជាមានកង្វះខាតថាមពលក៏ដោយ។
លោក Watson បានឲ្យដឹងថា ក្រុមហ៊ុន Cellcard បានរៀបចំជាស្រេចនូវម៉ាស៊ីនភ្លើង ក្នុងការបម្រើសេវា និងជួយកាត់បន្ថយកង្វះថាមពល ដែលអាចប៉ះពាល់ដល់ទីតាំងខេត្តមួយចំនួន។ខេត្តមួយចំនួនដែលទទួលរងការប៉ះពាល់ រួមមានខេត្តដែលស្ថិតក្នុងភាគខាងត្បូងមានដូចជា៖ ភ្នំពេញ ព្រះសីហនុ តាកែវ កណ្តាល កំពត កំពង់ចាម កោះកុង ស្វាយរៀង និងបាវិត។តំបន់ដែលស្ថិតក្នុងភាគខាងជើងមានដូចជា៖ បាត់ដំបង សៀមរាម បន្ទាយមានជ័យ និង ប៉ោយប៉ែត។
«ក្រុមការងាររបស់យើង នឹងធានាលើការបង្កើនលទ្ធភាពសម្រាប់ការផ្គត់ផ្គង់ទៅតំបន់ទាំងនោះនូវថាមពលព្រះអាទិត្យ។ ក្រុមហ៊ុនបានផ្តល់ម៉ាស៊ីនភ្លើងចំនួន៣០ ក្នុងកម្មវិធីបញ្ចូលលុយ និងឈ្នះរង្វាន់ (Top Up and Win promotion)»។ នេះជាការបញ្ជាក់របស់នាយកប្រតិបត្តិរបស់ក្រុមហ៊ុន Cellcard។
ក្នុងនាមជាក្រុមហ៊ុនទូរស័ព្ទខ្មែរ តែមួយគត់ក្នុងប្រទេសកម្ពុជា ក្រុមហ៊ុន Cellcard បានប្តេជ្ញាក្នុងការផ្តល់សេវាកម្មប្រកបដោយគុណភាព និងភាពជឿជាក់ទៅកាន់អតិថិជនរបស់ខ្លួន ទោះបីក្នុងកាលៈទេសៈលំបាកយ៉ាងណាក៏ដោយ។
លោក Watson បានឲ្យដឹងថា ក្រុមហ៊ុន Cellcard នៅតែបន្តផ្តល់សេវាកម្ម ធានាដល់បណ្តាញរបស់ខ្លួនក្នុងការផ្តល់សំណងទៅអតិថិជន សម្រាប់ការហៅ (call) ដែលត្រូវបានកាត់ផ្តាច់ ហើយក៏ជាក្រុមហ៊ុនតែមួយគត់ដែលបន្តផ្តល់សេវាកម្មមួយនេះ។
លោកបានបន្តថា «ក្រុមការងាររបស់យើងទាំងអស់ ពិតជាមានការសប្បាយចិត្តចំពោះសារគាំទ្រ និងការកោតសសើរពីអតិថិជនសម្រាប់សេវាកម្មដែលក្រុមហ៊ុន Cellcard បន្តផ្តល់ជូនពួកគេ»៕
អត្ថបទពាណិជ្ជកម្ម
© រក្សាសិទ្ធិដោយ thmeythmey.com
