គ​.​ជ​.​ប ឱ្យ​ពលរដ្ឋ​ទៅពិនិត្យ​និង​ចុះឈ្មោះ​បោះឆ្នោត នៅតាម​ភូមិ​-​ឃុំ​-​សង្កាត់ ពីថ្ងៃ​ទី​១-២២​ឧសភា​
ជាតិ
សង្គមជាតិ
គ​.​ជ​.​ប ឱ្យ​ពលរដ្ឋ​ទៅពិនិត្យ​និង​ចុះឈ្មោះ​បោះឆ្នោត នៅតាម​ភូមិ​-​ឃុំ​-​សង្កាត់ ពីថ្ងៃ​ទី​១-២២​ឧសភា​
29, Apr 2019 , 7:59 am        
រូបភាព
​ភ្នំពេញ​៖  ក្នុង​រយៈពេល​២២​ថ្ងៃ ចាប់ពី​ថ្ងៃទី​១-២២​ឧសភា ឆ្នាំ​២០១៩ ការពិនិត្យ​បញ្ជី​ឈ្មោះ​ឡើងវិញ និង​ការចុះឈ្មោះ​បោះឆ្នោត​របស់​ពលរដ្ឋ នឹងត្រូវ​អនុវត្ត​ឡើង​នៅ​គ្រប់​ឃុំ​-​សង្កាត់​ទូទាំងប្រទេស​។

 
​យោងតាម​សេចក្តីប្រកាស​ព័ត៌មាន​របស់​គណៈកម្មាធិកា​រ​ជាតិ​រៀបចំ​ការបោះឆ្នោត​(​គ​,​ជ​.​ប​) កាលពី​២៥​មេសា ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត​នេះ ត្រូវបាន​បែងចែក​ដូចតទៅ​៖  ចាប់ពី​ឆ្នាំ​ទី​១-៦​ឧសភា ពលរដ្ឋ​ត្រូវ​ចុះឈ្មោះ​នៅតាម​សាលាឃុំ​-​សង្កាត់​។  ពីថ្ងៃ​ទី​៧-១៧ ឧសភា ពលរដ្ឋ​ចុះ​តាម​ភូមិ​មួយចំនួន​ក្នុង​ឃុំ​-​សង្កាត់​។ រីឯ​នៅ​ថ្ងៃទី​១៨-២២​ឧសភា ពលរដ្ឋ​ត្រូវ​ត្រឡប់មក​ចុះឈ្មោះ​នៅតាម​សាលាឃុំ​-​សង្កាត់​វិញ​។  គ​.​ជ​.​ប បាន​បញ្ជាក់ថា ការ​បែក​ចែកពេល​វេលា​នេះ មិន​តម្រូវឱ្យធ្វើ​គ្រប់​នៅតាម​ឃុំ​-​សង្កាត់​នោះទេ គឺ​ស្ថាន​នៅលើ​ស្ថានភាព​ជាក់ស្តែង​។ 
 
​តាម​ការប៉ាន់ស្មាន​រប​ស់ គ​.​ជ​.​ប សម្រាប់​ឆ្នាំ​២០១៩ មាន​ផែនការ​ចុះឈ្មោះ​អ្នកបោះឆ្នោត​ថ្មី​ចំនួន​៣៧២,៦២៨​នាក់ ជាមួយ​ការិយាល័យ​បោះឆ្នោត​មាន​២៣,៣៦៤​កន្លែង និង​លុបឈ្មោះ​ចេញពី​បញ្ជី​បោះឆ្នោះ​វិញ​ចំនួន​៨៨, ៦២៦​នាក់​។ 
 
​ជាមួយគ្នានេះ គ​.​ជ​.​ប បានបង្ហាញ ការពិនិត្យ​បញ្ជី​ឈ្មោះ និង​ការចុះឈ្មោះ​បោះឆ្នោត​ក្នុង​ឆ្នាំ​២០១៨ ប្រជា​ពល​រដ្ឋា​បាន​ឈ្មោះ​នៅក្នុង​បញ្ជី​បោះឆ្នោត​មាន​ចំនួន ៨,៥៤៤,៨៨៥​នាក់ ដែលមាន​កា​រិ​យា​បោះឆ្នោត​សរុប​២៣,២៩៤​កន្លែង​៕

Tag:
 ជាតិ​
  សង្គម​
  បោះឆ្នោត​
© រក្សាសិទ្ធិដោយ thmeythmey.com