ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
យុវជនខ្មែរ២០នាក់ ចូលរួមផ្សព្វផ្សាយវប្បធម៌ និងទេសចរណ៍ក្នុងកម្មវិធីបោះជំរំនៅចិន
28, Apr 2019 ,
10:50 pm
រូបភាព
×
ដោយ:
ញឹក ស្រីល័ក្ខ (Nhek Sreyleak)
សានទុង៖ តំណាងយុវជនកម្ពុជា២០នាក់ បានចូលរួមកម្មវិធីបោះជំរំយុវជនស្ដីពីទំនាក់ទំនងយុវជននៃអង្គការកិច្ចសហប្រតិបត្តិការក្រុងសៀងហៃលើកទី៤ ដែលប្រារព្ធនៅខេត្តសានទុង ប្រទេសចិន។ កម្មវិធីបោះជំរំនេះ មានប្រទេសចូលរួមចំនួន១៤ ដែលមានការចូលរួមពីយុវជនវ័យក្មេងជាច្រើននាក់។ កម្មវិធីនេះ បានផ្ដល់ឱកាសដល់ប្រទេសដែលចូលរួម អាចផ្សព្វផ្សាយពីវប្បធម៌ និងតំបន់ទេសចរណ៍របស់ខ្លួន។
កម្មវិធីបោះជំរំយុវជនស្ដីពីទំនាក់ទំនងយុវជននៃអង្គការកិច្ចសហប្រតិបត្តិការក្រុងសៀងហៃ (SCO) បានប្រព្រឹត្តទៅពីថ្ងៃទី ២៥ ខែមេសា ដល់ថ្ងៃទី ២ ខែឧសភា នៅទីក្រុងឈីងដៅ ខេត្តសានទុង និងទីក្រុងប៉េកាំង ប្រទេសចិន។ ក្នុងកម្មវិធីបោះជំរំដែលមានប្រទេសចំនួន ១៤នេះ ប្រារព្ធឡើងក្រោមប្រធានបទ៖ «ឱកាសថ្មី និងអនាគតថ្មី» ដែលរៀបចំឡើងដោយ ACYF។
លោក អាំង សុវណ្ណរ័ត្ន អគ្គនាយករងនៃក្រសួងទេសចរណ៍ ដែលចូលរួមក្នុងកម្មវិធីបោះជំរំនេះ បានលើកឡើងថា គណៈប្រតិភូកម្ពុជា បាននាំមកនូវវត្ថុតំណាងជាតិ, ក្រមា និងឯកសារផ្សព្វផ្សាយទេសចរណ៍របស់កម្ពុជាជាច្រើន មកបង្ហាញដល់ប្រទេសដែលចូលរួមកម្មវិធីនេះ។ បើតាមលោក សុវណ្ណរ័ត្ន យុវជនដែលចូលរួមកម្មវិធីនេះ បានចាប់អារម្មណ៍ដោយសាកសួរព័ត៌មានជាច្រើនពីកម្ពុជាផងដែរ។
ការបង្ហាញវប្បធម៌ និងទេសចរណ៍នេះ តំណាងយុវជនកម្ពុជា បានធ្វើបទបង្ហាញជូនយុវជនវ័យក្មេងដែលចូលរួមកម្មវិធីនេះ ពីវប្បធម៌ដ៏រុងរឿងរបស់កម្ពុជា។ លើសពីនេះ តំណាងយុវជនកម្ពុជា បានសម្ដែងចង្វាក់រាំវង់ដល់អ្នកចូលរួមផងដែរ។ លោក អាំង សុវណ្ណរ័ត្ន ជឿជាក់ថា តាមរយៈកម្មវិធីនេះ នឹងធ្វើឲ្យបរទេសចាប់អារម្មណ៍ និងចង់ទៅទស្សនាកម្ពុជាកាន់តែច្រើន។
សូមបញ្ជាក់ថា កម្មវិធីបោះជំរំនេះ រៀបចំដើម្បីផ្សព្វផ្សាយពីស្មារតីសៀងហៃ និងការអភិវឌ្ឍរួមគ្នា ដោយផ្លាស់ប្ដូរកិច្ចសហប្រតិបត្តិរវាងសហគ្រិនវ័យក្មេង និងស្ថាប័នដែលធ្វើការទាក់ទងនឹងសហគ្រិនភាពរបស់ប្រទេសសមាជិក Shanghai Cooperation Organization Youth Campus (SCO)។ ជាមួយគ្នានេះ ប្រតិភូយុវជនចំនួន ១៤ប្រទេស រួមទាំងប្រទេសដែលជាសមាជិក SCO នឹងចូលរួមជាអ្នកសង្កេតការណ៍ និងពិភាក្សាគ្នាលើប្រធានបទផ្សេងៗផងដែរ៕
លោក អាំង សុវណ្ណរ័ត្ន អគ្គនាយករងនៃក្រសួងទេសចរណ៍ និង ស្រ្តីជាជនបរទេសម្នាក់ ស្ថិតក្នុងកម្មវិធីនេះ
យុវជនបរទេស បង្ហាញសិល្បៈរបស់ខ្លួននៅក្នុងកម្មវិធី
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
វប្បធម៌
ទេសចរណ៍
ចិន
បោះជំរំ
យុវជន
កម្ពុជា
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
3 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
5 ថ្ងៃ
«ប្រេសិត»មានន័យដូចម្តេច?
4 ថ្ងៃ
អត្ថបទពេញនិយមបន្ថែម