ជាតិ
សង្គមជាតិ
ពលរដ្ឋខ្មែរ១១៤នាក់ បម្រុងឆ្លងដែនខុសច្បាប់ទៅថៃ ត្រូវសមត្ថកិច្ចឃាត់ខ្លួន
×![]()
ដោយ: ឡាយ សុភាវតី
ក្រោយចូលឆ្នាំរួច ប្រជាពលរដ្ឋខ្មែរ បានសម្រុកឆ្លងដែនទៅធ្វើការនៅប្រទេសថៃវិញ។ ប៉ុន្តែ ក្នុងនោះ មានប្រជាពលរដ្ឋជាង១00នាក់ (ស្រី៤៨នាក់ និងកុមារ៩) ដែលគ្មានលិខិតឯកសារស្របច្បាប់ បានលួចឆ្លងដែនទៅថៃដែរ តាមច្រករបៀង ស្រុកម៉ាឡៃ តែត្រូវសមត្ថកិច្ច ចាប់បាន នៅយប់ថ្ងៃទី២៨ខែមេសា។ 
អគ្គស្នងការគរបាលជាតិ ផ្សាយ នៅថ្ងៃទី២៩ ខែមេសានេះថា ពលរដ្ឋទាំង១១៤នាក់ មកពីខេត្តចំនួន១១ រួមមាន ពោធិ៍សាត់ កំពត បាត់ដំបង ព្រៃវែង បន្ទាយមានជ័យ កំពង់ធំ សៀមរាម ឧត្ដរមានជ័យ ស្វាយរៀង កំពង់ចាម និងត្បូងឃ្មុំ។ អគ្គស្នងការនគរបាលជាតិ បញ្ជាក់ថា ពលរដ្ឋទាំងនោះ មិនមានឯកសារ ឬលិខិតសម្រាប់ឆ្លងដែនស្របច្បាប់ឡើយ ដោយពួកគេ ធ្វើដំណើរតាមការចាត់ចែងរបស់មេខ្យល់។
សមត្ថកិច្ច បានអប់រំណែនាំប្រជាពលរដ្ឋថា បើចង់ធ្វើការនៅប្រទសថៃ ត្រូវទៅដោយស្របច្បាប់ ដោយមានឯកសារត្រឹមត្រូវ ទើបមិនប្រឈមនឹងបញ្ហា។ ក្រោយណែនាំ សមត្ថកិច្ច ក៏បានឲ្យប្រជាពលរដ្ឋ ត្រឡប់ទៅស្រុកកំណើតវិញ៕
Tag:
ពលរដ្ឋខ្មែរឆ្លងដែន
© រក្សាសិទ្ធិដោយ thmeythmey.com
