ភ្នំពេញ ថ្ងៃទី៣០ ខែមេសា ៖ លោកថូម៉ាស ផូកូនី (Tomas Pokorny) អគ្គនាយករបស់ក្រុមហ៊ុន Pi Pay (ផាយ ផេ) ត្រូវបានចាត់ទុកថា ជាអ្នកមានឥទ្ធិពលម្នាក់ ក្នុងចំណោមកំពូលអ្នកមានឥទ្ធិពល ក្នុងប្រព័ន្ធបច្ចេកវិទ្យាហិរញ្ញវត្ថុ (fintech) នៅតំបន់អាស៊ីធអាគេ្នយ៍ ដោយអង្គភាពបច្ចេកវិទ្យាដ៏ធំជាងគេបំផុតរបស់ពិភពលោក Lattice80 ដែលមានមូលដ្ឋាននៅទីក្រុងឡុងដ៍។
លោកផូកូនី ដែលជាអ្នកមានឥទ្ធិពលម្នាក់ក្នុងចំណោមអ្នកមានឥទ្ធិពលតែ២នាក់ ដែលមានឈ្មោះក្នុងបញ្ជីមកពីប្រទេសកម្ពុជានោះ បានថ្លែងតាមរយៈបណ្តាញសង្គម LinkedIn ថាលោកពិតជាមានមោទនភាពណាស់ និងរំភើបចំពោះការទទួលស្គាល់នេះ។ លោកបានឲ្យបញ្ជាក់ទៀតថា៖«កម្ពុជា នៅតែមានដំណើរដ៏វែងឆ្ងាយមួយនៅចំពោះមុខ ក្នុងរាប់បញ្ចូលទាំងក្នុង មធ្យោបាយជាច្រើនផងដែរ ប៉ុន្តែមិនមានដែនកំណត់ទៅលើការអភិវឌ្ឍហិរញ្ញវត្ថុឡើយ។ វាបង្ហាញឲ្យឃើញយ៉ាងច្បាស់រួចជាស្រេចថា បើទោះបីអ្នកមានមាឌតូចក៏ដោយ ប៉ុន្តែអ្នកនៅតែអាច «ផ្លាស់ប្តូរទីតាំងគ្រាប់ខ្សាច់» បាន តាមរបៀបជាវិជ្ជមាន។ ហើយក្នុងន័យដូចគ្នានេះ ប្រសិនបើអ្នកឆ្លងកាត់តំបន់កាន់តែធំជាងនេះ អ្នកត្រូវតែរក្សាការស្ថិតលើផ្លូវ និងបេសកកម្មរបស់អ្នក ពោលគឺមិនបញ្ឈប់ដោយខ្លួនឯង ទោះបីមានការរំខាន ហើយនិងរក្សាការបន្តដំណើរទៅមុខជានិច្ច រហូតដល់សម្រេចគោលដៅ»។
ចាប់តាំងពីចាប់ផ្តើមអាជីវកម្មរបស់ខ្លួន ក្នុងឆ្នាំ២០១៧ ក្រុមហ៊ុន ផាយ ផេ បានអភិវឌ្ឍខ្លួនយ៉ាងឆាប់រហ័ស ដើម្បីក្លាយជាកម្មវិធីផ្តល់ការទូទាត់ដោយមិនប្រើក្រដាសប្រាក់ឈានមុខគេនៅកម្ពុជា ជាមួយនឹងបណ្តាញនៃពាណិជ្ជករ និងដៃគូហិរញ្ញវត្ថុ ដែលមានរីកលូតលាស់ឥតឈប់ឈរ ក្នុងនោះរាប់បញ្ចូលទាំងក្រុមហ៊ុនយក្សរបស់ចិន Alipay និង WeChat ផងដែរ។
អ្នកប្រើប្រាស់ដែលកំពុងដំណើរការ ច្រើនជាង២ម៉ឺន៥ពាន់នាក់ បានបង្កើតឲ្យមានដំណើរការនៃការផ្ទេរប្រាក់សរុបចំនួន១៧០លានដុល្លារអាមេរិក ទៅកាន់ពាណិជ្ជករជិត៤ពាន់នាក់ បើគិតចាប់តាំងពី ផាយ ផេ បានចាប់ផ្តើមដំណើរការអាជីវកម្មរបស់ខ្លួន។
ក្នុងនាមជាជាផ្លាតហ្វមប្រកបដោយថាមពល និងរំភើបមួយសម្រាប់អតិថិជនឌីជីថលកម្ពុជា ក្រុមហ៊ុន ផាយ ផេ ក៏មានការប្តេជ្ញាចិត្តក្នុងការធ្វើឲ្យចំណេះដឹងហិរញ្ញវត្ថុ និងវិស័យហិរញ្ញវត្ថុនៅកម្ពុជា កាន់តែមានភាពល្អប្រសើរផងដែរ តាមរយៈការការច្នៃប្រឌិតលើបច្ចេកវិទ្យាមិនប្រើក្រដាសប្រាក់របស់ខ្លួន និងតាមរយៈកម្មវិធីបណ្តាក់ទុនសង្គមរបស់ខ្លួន។
Lattice80 ចាត់ទុកខ្លួនឯងជាមជ្ឈមណ្ឌលបច្ចេកវិទ្យាហិរញ្ញវត្ថុធំជាងគេបំផុតក្នុងពិភពលោក ដែលប្រតិបត្តិមជ្ឈមណ្ឌលរូបីទូទាំងពិភពលោក ដើម្បីផ្តល់ការិយាល័យកិច្ចសហប្រតិបត្តិការ ដែលធ្វើឲ្យ អ្នកបង្កើតការច្នៃប្រឌិតថ្មីលើបច្ចេកវិទ្យាហិរញ្ញវត្ថុ ក៏ដូចជា សមាគមអនឡាញមួយដែលមានអាជីវកម្មទើបបង្កើតថ្មីផ្នែកបច្ចេកវិទ្យាហិរញ្ញវត្ថុចំនួន១ពាន់១រយក្រុមហ៊ុន និងក្រុមហ៊ុនអាជីពលើផ្នែកបច្ចេកវិទ្យាហិរញ្ញវត្ថុចំនួន២០ម៉ឺនក្រុមហ៊ុន។
ក្នុងពេលចេញផ្សាយបញ្ជីឈ្មោះអ្នកមានឥទ្ធិពលកំពូលទាំង១០០របស់ខ្លួន អង្គភាព Lattice80 បានឲ្យដឹងថា៖«អាស៊ីអាគ្នេយ៍ គឺជាតំបន់មួយដែលបង្ហាញពីសក្តានុពលដ៏គួរឲ្យកត់សម្គាល់ទៅលើបច្ចេកវិទ្យាហិរញ្ញវត្ថុនៅពេលនេះ។ សរុបមក តំបន់នេះ មានអត្រាប្រជាជនច្រើនជាង៦៤០លាននាក់នាក់ ក្នុងនោះអត្រាប្រជាជនអាយុក្រោម៣០ឆ្នាំ មានចំនួន៥០%។ ជាមួយនឹងការរីកចម្រើនឥតឈប់ឈរ ទៅលើកត្តាសេដ្ឋកិច្ច ក្នុងប្រទេសជាច្រើន អត្រាអ្នកយល់ច្បាស់ពីប្រព័ន្ធឌីជីថលដែលមានវ័យក្មេង នឹងជួយលើកទឹកចិត្តឲ្យ ពលរដ្ឋវ័យកណ្តាល ចំណាយប្រាក់ស្របតាមតម្រូវការតាមរយៈសេវាហិរញ្ញវត្ថុ»៕
(អត្ថបទពាណិជ្ជកម្ម)